Memlekettik keńesshi laýazymy joıylady. Bul týraly Ulttyq quryltaıdyń V otyrysynda Memleket basshysy Qasym-Jomart Toqaev aıtty.
— Jumys istep turǵan Parlamenttiń qyzmetin qamtamasyz etetin aparattyq qurylymnyń bir bóligi, sonymen qatar Memlekettik keńesshi laýazymy taratylýǵa jatady. Prezıdent ákimshiliginiń fýksıonaly, qurylysy jáne ony basqarý júıesi is júzindegi qajettilikke oraı reformalanady. Árıne, birqatar elde vıse-prezıdent laýazymy bar ekeni sizderge belgili. Bizdiń jaǵdaıda atalǵan laýazymdy bekitý memleketti basqarý prosesin turaqtandyrady. Sonymen qatar bılik tarmaǵyna qatysty túpkilikti naqtylyq engizedi, — dedi Prezıdent.
Memleket basshysynyń aıtýynsha, atalǵan konstıtýsıalyq jańashyldyq prezıdentti bılik ınstıtýtynyń álsireýin bildirmeıdi. Kerisinshe, Prezıdent laýazymy memlekettik júıedegi eń bastysy bolyp qalady.
— Qazaqstan prezıdentti respýblıka retinde tabysty damıtyndyǵyna senimdimin. Munyń ústine halyqaralyq tájirıbe mundaı tańdaýdyń paıdasyn senimdi túrde dáleldep otyr. Men usynǵan memlekettik bıliktegi reformalar, onyń ishinde birpalataly parlamentke — Quryltaıǵa ótý, Halyq keńesin qurý, vıse-prezıdent laýazymyn engizý elimizdiń damýyna tyń serpin berip, onyń áleýetin kúsheıtetindigine senimdimin, — dedi Memleket basshysy.