Aralyq qorytyndylar: 36 myń adam qańtar ŪBT-syn tapsyrdy

 

Talapkerlerdíń 64%-y testíleudí qazaq tílínde, 36%-y orys tílínde jáne 52 adam aǵylshyn tílínde tapsyrdy,  - dep habarlaıdy aqshamnews.kz.

 

QR Ǵylym jáne joǵary bílím mınıstrlígí, bírínshí aptanyń qorytyndysy boıynsha talapkerlerdíń 60,3%-y shektí ball jınady. Bes pán boıynsha ortasha ball 57 baldy qūrady. Eń joǵary nátıje – 131 ball, dep habarlaıdy

Erekshe bílím beru qajettílíkterí bar oquǵa túsushíler úshín qolaıly jaǵdaı jasaudyń arqasynda ŪBT-ǵa 156 talapker qatysqanyn aıta ketken jón.

Talapkerlerdíń test tapsyrmalarynyń mazmūny boıynsha testíleu ayaqtalǵannan keıín 30 mınut íshínde apellyatsıyaǵa beru qūqyǵy bar. Tehnıkalyq sebepter boıynsha apellyatsıya tíkeleı testíleu kezínde qabyldanady. Nátıjelerí bar sertıfıkattar apellyatsıya qarastyrylǵannan keıín jeke kabınetterde qoljetímdí bolady.

ŪBT-ny ótkízudíń bírínshí aptasynda 94 ereje būzushylyq anyqtaldy. 56 talapker smartfondardy, shpargalkalardy jáne basqa da tyıym salynǵan zattardy alyp kírmek bolǵany úshín testíleuden shettetíldí. Taǵy 38 adam testíleu kezínde erejelerdí būzǵany úshín audıtorıyadan shyǵaryldy, olardyń nátıjelerí joıyldy. Ózge adamdardyń ornyna kíru faktílerí anyqtalǵan joq.

2026 jylǵy ŪBT ayaqtalǵannan keıín 31 qazanǵa deıín beınejazbalarǵa taldau júrgízíledí. Tyıym salynǵan zattardy paıdalanu nemese erejelerdí būzu faktílerí anyqtalǵan jaǵdaıda ŪBT nátıjelerí joıylady.

Testíleuge qatysuǵa 187 myńǵa juyq ótínísh kelíp tústí.