Almaty qalasynyń Alatau audanyndaǵy №210 mektep-lıtseıínde Ūlttyq ūlan batyrlaryna arnalǵan «Erlík sabaǵy» óttí. Ís-sharaǵa ÍÍÍ dárejelí «Aıbyn» ordeníníń ıegerí, Ūlttyq ūlan batyry maıor Jandos Bayanbaev arnaıy shaqyryldy.
Kezdesu barysynda aldymen oqushylarǵa maıor Jandos Bayanbaevtyń erlígí turaly túsírílgen derektí fılm kórsetílíp, batyrdyń ómír joly men qyzmettegí erlígí tanystyryldy. Būdan keıín ol oqushylarmen ashyq áńgíme júrgízíp, áskerı qyzmet barysyndaǵy bastan ótkergen oqıǵalarymen bólístí, sondaı-aq oqushylar tarapynan qoıylǵan sūraqtarǵa jan-jaqty jauap berdí.
«Erlík sabaǵyna» alǵashqy áskerı jáne tehnologıyalyq daıyndyqtan ótíp jatqan joǵary synyp oqushylary, sondaı-aq mekteptegí «Jas sarbaz» synybynyń tárbıelenushílerí qatysty. Sabaq Ūlttyq ūlan batyrlary atyndaǵy «Erlík synybynda» ashyq sabaq formatynda ūıymdastyryldy. Ís-sharany mekteptíń alǵashqy áskerı jáne tehnologıyalyq daıyndyq páníníń mūǵalímí, zapastaǵy polkovnık Nıyaztaı Álkeshev ótkízdí.
Kezdesu sońynda №210 mektep-lıtseıdíńdırektory Gúlnara Ahmetova qūrmettí qonaq Jandos Bayanbaevqa alǵys hat tapsyryp, jas ūrpaqty áskerı-patrıottyq ruhta tárbıeleuge qosyp júrgen úlesí úshín rızashylyǵyn bíldírdí. Sonymen qatar, mektep oqushylarynyń otansúıgíshtík tárbıesíne atsalysyp júrgen Ūlttyq ūlan áskerı qyzmetshíleríne alǵys aıtty.
– Jaqynda mektebímízde Ūlttyq ūlan batyrlary atyndaǵy «Erlík synyby» ashyldy. Sol batyrlardyń bírí Jandos Bayanbaevpen kezdesu ótkízu – bíz úshín úlken mártebe. Kítaptan nemese jurnaldan oqu bír bólek, al naǵyz batyrmen júzdesíp, onyń erlígí men qyzmet jolyn óz auzynan estu – oqushylarǵa erekshe áser qaldyrdy. Sabaq barysynda Ūlttyq ūlannyń negízgí míndetterí men áskerı qyzmettíń mańyzykeńínen túsíndíríldí. Būl kezdesu balalardyń jadynda ūzaq saqtalatynyna senímdímín, – dedí mektep dırektory Gúlnara Ahmetova.
Óz kezegínde «Jas sarbaz» synybynyń oqushysy Dínmūhamed Mūrat ta alǵan áserímen bólístí.
– Batyr aǵamyzdyń áńgímesí óte qyzyqty árí áserlí boldy. Men Ūlttyq ūlannyń qandaı qyzmet atqaratynyn jaqsy túsíndím. Būl – úlken jauapkershílíktí talap etetín, batyldyqty qajet etetín qyzmet eken.
Bolashaqta men de osyndaı áskerı qyzmetshí bolǵym keledí, – dedí ol.