Almaty ákimdiginde qala ákimi Darhan Satybaldy Orascom Investment Holding holdıńiniń tóraǵasy, halyqaralyq ınvestor Nagıb Savırıspen kezdesti.
Darhan Satybaldy Almatynyń saýda-ekonomıkalyq baılanysy 130-dan astam elmen ornaǵanyn atap ótti. Qala kópjaqty halyqaralyq yntymaqtastyqtyń óńirlik ortalyǵy sanalady. Almatyda 115 halyqaralyq uıym men dıplomatıalyq ókildiktiń, onyń ishinde Birikken Ulttar Uıymynyń 18 óńirlik agenttiginiń keńsesi ornalasqan. Sondaı-aq, Qazaqstandaǵy ekinshi deńgeıli bankterdiń 90%-ynyń bas keńsesi dál osy shaharda shoǵyrlanǵan. Budan bólek, el ekonomıkasynyń 22%-dan astamy Almatyǵa tıesili, respýblıkalyq búdjetke túsetin salyq túsimderiniń tórtten birinen astamyn qamtamasyz etedi.
Kezdesý barysynda qala ákimi týrızm men kásipkerlikti damytý basym baǵyttardyń biri ekenin aıtyp, bıznes júrgizýge qolaıly jaǵdaı jasalǵanyn jetkizdi.
Sondaı-aq, sońǵy úsh jylda Almatyǵa keletin týrıser sany 92%-ǵa artqany, al qarbalas maýsymda qonaqúılerdiń júktemesi 90%-ǵa deıin jetetini aıtyldy. Bul kórsetkishter qalada týrısik ınfraqurylymdy odan ári damytýǵa suranystyń joǵary ekenin aıǵaqtaıdy.
Kezdesý qorytyndysy boıynsha Nagıb Savırıs Almatynyń ınvestısıalyq áleýetin tereńirek zerdeleýge jáne yntymaqtastyqtyń bolashaǵy zor baǵyttary boıynsha dıalogty jalǵastyrýǵa qyzyǵýshylyq bildirdi.