Ūlttyq qūryltaı ayasynda QR Ǵylym jáne joǵary bílím mınıstrí Sayasat Nūrbek Qorqyt ata atyndaǵy Qyzylorda unıversıtetíníń professor-oqytushylar qūramy jáne bílím alushylarymen kezdestí.
Jıynǵa sondaı-aq vıtse-mınıstr Gúlzat Kóbenova jáne bírqatar joǵary oqu oryndarynyń rektorlary qatysty, - dep habarlaıdy Aqshamnews.kz.
Aldymen mınıstr unıversıtettíń juyrda qoldanysqa berílgen jańa zamanauı kítaphanasymen tanysty. Kezdesu barysynda Sayasat Nūrbek ǵylym men joǵary bílímníń damu baǵyttary, ınfraqūrylymdy jetíldíru, jasandy ıntellekt salasyndaǵy jańashyldyqtar men alǵa qoıylǵan maqsattar jaıly keńínen toqtaldy.
Mınıstrdíń aıtuynsha, elímízde keńeıtílgen jasandy ıntellekt baǵytyn oqytudyń ekínshí kezeńí bastalyp, 100 myń studenttí qamtu josparlanyp otyr. Sonymen qatar būl baǵytta tek studentter ǵana emes, professor-oqytushylar qūramynyń da bílímín jetíldíru mańyzdy ekenín atap óttí. Osy maqsatta oqytushylarǵa arnalǵan arnaıy oqu semınarlary men baǵdarlamalar ūıymdastyrylatynyn aıtty.
«Baǵdarlamany odan árí íske asyru úshín elímízdíń ár óńírínen 27 joǵary oqu orny bekítíldí. Oqu oryndary baǵdarlamany íske asyru úshín qajettí ınfraqūrylym, onyń íshínde JI salasyndaǵy bílím beru baǵdarlamalarynyń, sheteldík seríktesterdíń, esepteu quattarynyń boluy sıyaqty krıterııler boıynsha íríkteldí. Būl JOO-lar AI-Sana baǵdarlamasy boıynsha studentter men pedagogıkalyq oqytushy qūramyn oqytudy qamtamasyz ete otyryp, óz óńíríndegí jáne kórshíles oblystardaǵy jobany íske asyruǵa jauapty bolady», – dedí mınıstr.
Jıynda sonymen qatar joǵary oqu oryndary arasyndaǵy seríktestíktí nyǵaıtu, sheteldík fılıaldardy damytu jáne zamanauı zertteu ınfraqūrylymyn qalyptastyrudyń mańyzy jónínde keńínen talqylandy. Mınıstr būl qadamdar elímízdíń bílím beru júıesín halyqaralyq deńgeıge kóteruge baǵyttalǵanyn atap óttí.
Jūmys sapary ayasynda Sayasat Nūrbek unıversıtettíń 5 oqu ǵımaratynda ornalasqan jasandy ıntellekt ınstıtutyna baryp, SeoulTech-pen bírlesíp íske asyrylyp jatqan IT jáne jasandy ıntellekt baǵytyndaǵy baǵdarlamalyq jobalarmen tanysty.
Mınıstr studenttermen bílím men ǵylym salasyndaǵy ózektí máselelerdí talqylap, ózara píkír almasyp, ízdenushílerge baǵyt-baǵdar berdí.