Qalqaman auruhanasyndaǵy ınternderdíń palata tazalauy jelíde qyzu talqyǵa tústí, dep habarlaıdy aqshamnews.kz
Almatydaǵy №1 Qalqaman qalalyq auruhanasynda praktıkadan ótíp júrgen ıntern-qyzdardyń palata jınap júrgen sátí túsírílgen vıdeo Threads jelísínde keńínen tarap, qoǵamnyń nazaryn audartty.
Vıdeony jarıyalaǵan Amangeldıeva esímdí qoldanushynyń aıtuynsha, jas mamandarǵa negízgí medıtsınalyq jūmystan bólek, bír bólmeníń shańyn kúníne 2–3 ret súrtu sıyaqty míndetter júktelgen. Ol sondaı-aq medqyzmetkerdíń ınternderge «shańdy dūrys súrtíńder» dep eskertu jasaǵanyn jazady.
Jazba avtory mūny tájírıbeden ótushílerge kórsetíletín qysymnyń kórínísí dep baǵalap, «ınternderdí qorlaudy toqtatu kerek» degen píkír bíldírgen. Onyń paıymynsha, keıín dárígerlerdíń praktıkalyq daıyndyǵy álsíz dep shaǵymdanatyn qoǵam, eń aldymen, ınternderdí kásíbı daǵdyǵa emes, qyzmet kórsetu jūmystaryna kóbírek jūmsaıtyn íshkí tártíptíń saldaryn eskeruí tıís.
Sonymen bírge ol būl jaǵdaıdyń Densaulyq saqtau mınıstrlígí deńgeıínde qaralǵanyn qalaıdy. Aıtuynsha, ózíne kórsetílgen medıtsınalyq kómekke shaǵymy joq, tek praktıkadan ótushílerge qatysty talap pen tártíp ádílettírek bolǵanyn qūp kóredí.