Qyzylordada ótken Ulttyq quryltaıdyń V otyrysynda Memleket basshysy Qasym-Jomart Toqaev Qazaqstannyń saıası júıesin jańǵyrtýǵa baǵyttalǵan birqatar strategıalyq sheshimderdi jarıalady. Aqshamnews.kz tilshisi keleli jıynda aıtylǵan negizgi tezısterdi tizip kórdi.
Negizgi tezıster:
-
Jańa Parlament qurylady
– Qazaqstanda birpalataly Parlament qurylyp, ol Quryltaı dep atalady.
– Quramynda 145 depýtat bolady. -
Kvotalar joıylady
– Prezıdenttik kvota alynyp tastalady.
– Qazaqstan halqy Assambleıasynyń Parlamenttegi kvotasy bolmaıdy. -
Saılaý júıesi
– Quryltaı depýtattarynyń barlyǵy partıalyq tizimder boıynsha saılanady.
– Barlyq depýtattar teń mandatqa ıe bolady.
– Óńirlerde majorıtarlyq júıe saqtalady.
– Proporsıonaldy júıe boıynsha ótý shegi - 5%. -
Ókilettik merzimi men qurylymy
– Quryltaıdyń ókilettik merzimi - 5 jyl.
– Parlament qurylymy: 8 komıtet, 3 vıse-spıker. -
Parlament ókilettikteri keńeıtiledi
– Konstıtýsıalyq Sot, Joǵary aýdıtorlyq palata jáne Ortalyq saılaý komısıasy músheleri Parlamenttiń kelisimimen taǵaıyndalady.
– Prezıdent usynǵan Joǵarǵy Sot sýdıalaryn Parlament saılaıdy. -
Halyq Keńesi qurylady
– Qazaqstan halqy Assambleıasy men Ulttyq Quryltaıdyń fýnksıalary Halyq Keńesine beriledi.
– Bul - jańa keńesshi-dıalog alańy. -
Halyq Keńesiniń quramy
– Jalpy sany - 126 adam.
• 42 etnomádenı birlestik ókili
• 42 máslıhat ókili
• 42 qoǵamdyq uıym ókili
– Otyrystary jylyna bir ret ótkiziledi. -
Memlekettik basqarýdaǵy ózgerister
– Prezıdent taǵaıyndaıtyn vıse-prezıdent laýazymy engiziledi.
– Memlekettik keńesshi laýazymy joıylady. -
Konstıtýsıalyq reforma
– 100-den astam adamnan turatyn Konstıtýsıalyq komısıa qurylady.
– Komısıa usynystardy taldap bolǵannan keıin, jalpyhalyqtyq referendým ótkizý kúni belgilenedi.