Almatydaǵy "Parasat" áleumettík qyzmetter ortalyǵynda qalanyń áleumettík qyzmet kórsetu ortalyqtary júıesínde tūńǵysh ret tígín jáne toqyma sheberhanasy ashyldy. Joba ózge áleumettík ortalyqtarda ázírge balamasy joq bíregeı bastama bolyp otyr.
Almaty qalasy Jūmyspen qamtu jáne áleumettík baǵdarlamalar basqarmasynyń basshysy Bauyrjan Jaubasovtyń aıtuynsha, sheberhana erekshe qajettílígí bar azamattardyń eńbek arqyly ońaluyna, áleumettík beıímdeluíne jáne kásíbı tūrǵyda qalyptasuyna jaǵdaı jasau maqsatynda qūrylǵan.
Ís-shara ayasynda qatysushylarǵa tígín jáne toqyma sheberhanasynyń jūmysy tanystyrylyp, zamanauı jabdyqtar kórsetíldí. Sonymen qatar qolmen jáne mashınamen tígu, toqyma materıaldarymen jūmys ísteu, toqu boıynsha tájírıbelík oqu sabaqtary ótkízíldí. Būl sabaqtar qyzmet alushylardyń eńbek jáne tūrmystyq daǵdysyn damytuǵa, bastapqy kásíbı qabíletín qalyptastyruǵa baǵyttalǵan. Ís-sharaǵa 50 adam qatysty.
Eske sala keteıík, "Parasat" áleumettík qyzmet ortalyǵy" KMM erekshe qajettílígí bar balalarǵa jáne 18 jastan asqan erekshe qajettílígí bar adamdarǵa jartylaı statsıonarlyq kúndízgí jaǵdaıda jáne úıde arnauly áleumettík qyzmet kórsetedí. Ortalyq beıíndí mamandardyń qatysuymen keshendí ońaltu jáne beıímdeu kómegí kórsetíledí.
Ortalyqtyń negízgí maqsaty - kórsetíletín arnauly áleumettík qyzmetterdíń sapasy men tıímdílígín arttyru, qyzmet alushylardyń ómírlík jáne eńbek daǵdysyn damytu, olardyń áleumettenuí, tūrmystyq beıímdeluí, ońaluy jáne qoǵamǵa úırenísuí yqpal etu.
Belgílengen standarttarǵa sáıkes ortalyq áleumettík-tūrmystyq, medıtsınalyq, psıhologıyalyq, pedagogıkalyq, eńbek, mádenı, ekonomıkalyq jáne qūqyqtyq qyzmet túrlerín ūsynady.
