Sıfrlandyrý jáne jasandy ıntellekt jylyn sán qýyp, urandatý úshin jarıalaǵan joqpyz. Bul týraly Ulttyq quryltaıdyń V otyrysynda Memleket basshysy Qasym-Jomart Toqaev aıtty.
- Biz bilim, ǵylym jáne joǵary tehnologıa salasyna qomaqty ınvestısıa salatyn boldyq. Sebebi adam kapıtalynyń sapasyn arttyrý - aıryqsha mańyzdy mindet. Bul, ásirese, el damýynyń qazirgideı tarıhı, betburysty kezeńinde halqymyzdyń bolashaǵyna tikeleı áserin tıgizedi. Eń bastysy - bul josparlar jurtty qur ýádemen jarylqaıtyn tusaýkeser rásimderi men forýmdardyń kóleńkesinde qalyp qoımaýy kerek. Biz pıar-aksıalar men kóz aldaıtyn jalǵan ilgerileýge emes, naqty jetistikke umtylýymyz qajet. Sıfrlandyrý jáne jasandy ıntellekt jylyn sán qýyp, urandatý úshin jarıalaǵan joqpyz. Bul sheshim búkil memlekettik apparatqa naqty mindet júktep otyr. Bul - strategıalyq mindet, -dedi Prezıdent.
Qasym-Jomart Toqaev memleket úshin aıryqsha mańyzdy osy mindetti oryndaýǵa qatysty talap ta óte joǵary bolatynyn eskertti.