Prezıdent Soltústik Qazaqstan oblysynyń ákimi Ǵaýez Nurmuhambetovty qabyldady, - dep habarlaıdy Aqshamnews.kz tilshisi.
Qasym-Jomart Toqaevqa aımaqtyń bıylǵy birinshi jartyjyldyqtaǵy áleýmettik-ekonomıkalyq damýy jóninde esep berildi.
Aýyl sharýashylyǵy:
- Maıly jáne jem-shóp daqyldarynyń egistik kólemi ulǵaıǵan;
- Tuqym jańartý deńgeıi 11,2 paıyzǵa jetken, sý únemdeý tehnologıalary belsendi engizilip jatyr;
- «Keń Dala 2» baǵdarlamasy aıasynda sharýalarǵa 97 mıllıard teńge bólingen. Bıyl memlekettik qoldaý aýqymy byltyrǵymen salystyrǵanda 24 paıyzǵa artqan;
Soltústik Qazaqstan oblysy elimizde sút óndirisi boıynsha alǵashqy úshtikke kiredi, sonyń ishinde sút óndirý keshenderiniń sany jaǵynan kósh bastap tur.
Investısıa:
Oblysta jalpy somasy 893 mıllıard teńgeni quraıtyn 52 ınvestısıalyq joba júzege asyrylyp jatyr. Nátıjesinde 7,5 myń jańa jumys orny ashylmaq.
Turǵyn úı qurylysy:
- Bıyl 332 myń sharshy metr turǵyn úıdi paıdalanýǵa berý josparlanǵan. Qazirgi tańda 5 kópqabatty úı tapsyryldy. Jyl sońyna deıin taǵy da 11 nysannyń qurylysy aıaqtalady;
- Áleýmettik osal topqa jatatyn azamattar úshin bıyl 258 páter satyp alynady.
Ulttyq jobalar:
- «Keleshek mektepteri» ulttyq jobasy aıasynda Petropavl qalasynda 600 oryndyq jańa zamanaýı mektep salyndy. Sonymen qatar 280 oryndyq balabaqshanyń qurylysy júrgizilýde;
- Densaýlyq saqtaý salasynda aýyldyq jerdegi 46 medısınalyq nysan jańǵyrtyldy. Óńirge medısına mamandaryn tartý maqsatynda júıeli jumys atqarylyp jatyr.
Prezıdent:
- Jıyn-terin naýqanyna daıyndyqtyń, agroónerkásip salasyndaǵy ınvestısıalyq jobalardy ýaqtyly júzege asyrýdyń mańyzyna nazar aýdardy;
- Petropavldaǵy 2-JES-ti jóndeý jáne jylýmen, energıamen qamtamasyz etý jelilerin rekonstrýksıalaý jumystaryn jyldam aıaqtaý qajet ekenin eskertti.