Nevzorovtar mýzeıi – Qazaqstandaǵy kórkemsýret qundylyqtaryn jınaqtaǵan iri mádenı nysandardyń biri
Memleket basshysy Qasym-Jomart Toqaev Abaı oblysyna jumys sapary aıasynda Semeı qalasyndaǵy Nevzorovtar atyndaǵy beıneleý óneri mýzeıin aralap kórdi, dep habarlaıdy Almaty-akshamy.kz Aqordaǵa silteme jasap.
Nevzorovtar mýzeıi – Qazaqstandaǵy kórkemsýret qundylyqtaryn jınaqtaǵan iri mádenı nysandardyń biri. Mýzeıde túrli baǵyttaǵy 5 myńnan astam eksponat bar.
Atap aıtsaq, Qazaqstan beıneleý óneri, XVIII ǵasyr aıaǵy jáne XX ǵasyr basyndaǵy orys óneri, XVI ǵasyr aıaǵy jáne XX ǵasyr basyndaǵy Batys Eýropa keskindemesi men grafıkasy, XX ǵasyrdaǵy Reseı, Ortalyq Azıa, Grýzıa, Armenıa, Belarýs óneri.
Prezıdentke mýzeıdiń tarıhy tanystyryldy.
Nevzorovtar otbasy atyndaǵy mýzeı 1985 jyly tarıhı-ólketaný mýzeıiniń ǵylymı-kórkem bólimi bolyp qurylǵan. Mýzeı mártebesi 1988 jyly berildi.