Azamattyq qoǵam myqty bolmaı, memleket te myqty bolmaıdy. Konstıtýsıalyq komısıanyń kezekti otyrysynda Májilis depýtaty Maqsat Tolyqbaı osylaı dep málimdedi, - dep habarlaıdy Aqshamnews.kz.
«Osy turǵydan alǵanda, Ata zańda tuńǵysh ret «Halyq keńesi» týraly jeke bap, derbes bólim paıda boldy. Atalǵan qurylym jaı ǵana konsýltatıvtik, formaldy organǵa aınalmas úshin, 70-2-baptyń redaksıalyq nusqasynda «Qazaqstan halyq keńesi» Quryltaıǵa zań jobalaryn engize alady dep naqty kórsetildi. Bul – halyqtyń pikirin memlekettik sheshim qabyldaý úderisine júıeli engizýge arnalǵan saıası ınstıtýt. Iaǵnı, joǵary konsýltatıvtik organnyń múshesi bolyp tabylatyn kez kelgen Qazaqstan azamaty zań shyǵarý bastamasyn kótere alady. Bul — azamattarǵa berilgen naqty konstıtýsıalyq múmkindik», – dep atap ótti ol.
Depýtattyń aıtýynsha, Halyq keńesiniń mańyzy arta túsedi. Ol jańa saıası alańǵa, memlekettik sheshimderge yqpal etetin ortalyqqa aınalady. Eń bastysy – Halyq keńesi tolyqtaı ashyq qurylym bolady jáne oǵan kez kelgen azamattyń, barlyq etnostardyń, kásipkerlerdiń qatysýyna múmkindik beriledi. Usynylyp otyrǵan ózgeristerdiń túpki maqsaty – myqty ınstıtýttarǵa súıenetin memleket qalyptastyrý.