Saıası keńes quramy 13 adamǵa jańartyldy
Qujatta baıandalǵan bastamalar osyǵan deıin 300-den astam bastaýysh partıa uıymdarynyń jınalystarynda jáne partıanyń segiz aýdandyq fılıalynyń partıalyq konferensıalarynda oń pikir týdyrdy, dep habarlaıdy Almaty-akshamy.kz.
Búgin partıa qalalyq fılıalynyń kezekten tys HHİH konferensıasynyń júz delegaty prezıdenttik reformalar baǵytyn odan ári iske asyrýǵa ózderiniń qoldaýy men daıyndyǵyn bildirdi.
AMANAT partıasynyń Almaty qalalyq fılıalynyń tóraǵasy, megapolıs ákimi Erbolat Dosaev jáne basqa da beldi partıa músheleri saıası Platforma jobasynyń ıdeologıalyq baǵyttaryna egjeı-tegjeıli toqtaldy. Partıalyqtardyń aıtýynsha, ýaqyttyń aǵymdaǵy syn-tegeýrinderine, áleýmettik-ekonomıkalyq jáne qoǵamdyq-saıası trendterge, el turǵyndarynyń birinshi kezektegi qajettilikterine tolyq sáıkes keledi.
Platforma jobasyn tanystyra otyryp, spıkerler óz sózderinde depýtattar, pikirlester, sarapshylar qaýymdastyǵy, ǵylymı jáne shyǵarmashylyq zıaly qaýym, sondaı-aq bizdiń qalamyzda turatyn azamattyq belsendiler eskergen negizgi bastamalardyń mańyzdylyǵyn atap ótti. Bul rette, óz qatarynda 52 myń adamnan turatyn AMANAT partıasynyń Almaty fılıaly partıalyqtar sany boıynsha búginde Astana men Shymkent megapolısteri arasynda kósh bastap tur.
Birqatar ishki uıymdastyrýshylyq erekshelikterdi, sondaı-aq partıanyń kezekten tys HHİV Sezin eskere otyryp, konferensıa delegattary qalalyq fılıaldyń partıalyq organdaryna ózgerister engizýge daýys berdi. Mysaly, Saıası keńes quramy 13 adamǵa jańartyldy, al Saıası keńes Búrosynyń quramyna Ál-Farabı atyndaǵy QazUÝ rektory – Janseıit Túımebaev, Almaty qalasy máslıhatynyń qoǵamdyq damý, mádenıet, sport, din jáne jastar jónindegi komısıasynyń tóraıymy – Ásıa Aqanova, máslıhattaǵy AMANAT depýtattyq fraksıasynyń jetekshisi – Serik Esmatov jáne qalamyzdyń eń jas depýtaty – Jansaıa Ábdimálik kirdi.
Aldaǵy 6 qazanda Astanada ótetin AMANAT partıasynyń HHİV (jıyrma tórtinshi) Sezinde Almaty qalasy atynan 40 delegat qatysady. Olardyń qatarynda 9 delegattyń ǵylymı dárejesi bar, al 13 delegat iri bastaýysh partıa uıymdaryn basqarady.