Qazaqstan Respýblıkasy Konstıtýsıasynyń jobasynda otbasy men bala quqyǵyn qorǵaý normalary saqtalyp qana qoımaı, aıtarlyqtaı kúsheıtilgen. Sonymen qatar neke ınstıtýtyn nyǵaıtýǵa, ata-analardyń jaýapkershiligin arttyrýǵa jáne balanyń quqyǵyn qamtamasyz etýge baǵyttalǵan jańa erejeler engizilip otyr. Bul týraly Konstıtýsıalyq komısıanyń kezekti otyrysynda Qazaqstandaǵy Bala quqyqtary jónindegi ýákil Dınara Zakıeva málimdedi.
Konstıtýsıa jobasynyń 27-babynda qoldanystaǵy redaksıadaǵydaı, neke men otbasy, ana, áke jáne bala memlekettiń qorǵaýynda ekeni, al balalarǵa qamqorlyq jasaý men olardy tárbıeleý ata-ananyń tabıǵı quqyǵy ári mindeti ekeni bekitilgen.
«Bul normalar deklaratıvti turǵyda emes, naqty qoldanbaly sıpatqa ıe. Olar memlekettik saıasattyń negizine aınalyp, bala quqyqtaryn qorǵaý salasyndaǵyáselesinde sheshim qabyldaǵanda nemese ustanymym kúndelikti jumysymyzǵa arqaý bolyp otyr. Balalardy qorǵaý myzdy qorǵaǵanda biz dál osy Konstıtýsıadaǵy túbegeıli qaǵıdattarǵa súıenemiz», – dedi Dınara Zakıeva.
Komısıa múshesiniń aıtýynsha, konstıtýsıalyq normalar ómirde naqty kórinis tabýda. Tek ótken jyldyń ózinde memleket tarapynan 51 myńnan astam oqıǵa kezinde qaýip-qater der kezinde anyqtaldy. Aldyn alý sharalary júrgizilip, balalardyń quqyqtyq qorǵalýy qamtamasyz etilgen.
Balalardy qorǵaý tek daǵdarys jaǵdaılarynda áreket etýmen shektelmeıdi. Ol sondaı-aq balalardy áleýmettik qoldaýǵa, densaýlyq saqtaý, bilim men tárbıe berý isine, qaýipsizdigine jáne otbasynda ómir súrý quqyǵyna kepildik berýdi qamtıdy. Bul úderiste balanyń ál-aýqatynyń negizgi tiregi retinde otbasy men ata-ananyń jaýapty qamqorlyǵyna erekshe mán beriledi.
Dınara Zakıeva komısıanyń aldyńǵy otyrystarynyń birinde Elnur Beısenbaevtyń nekeni er men áıeldiń erikti ári teń quqyqty, zańǵa sáıkes memleket tirkeıtin odaǵy retinde Konstıtýsıada bekitý jónindegi usynysyn eske saldy.
«Bul norma qazaqstandyq qoǵamnyń qundylyqtaryna negizdelgen jáne turaqty damýǵa múddeli kez kelgen memleket úshin obektıvti qajettilik. Nekeni mindetti túrde memlekettik tirkeý týraly talap balalardyń quqyqtaryn tıimdi qorǵaýǵa múmkindik beredi. Men bul normany qoldaımyn», – dedi ol.
Sonymen qatar Konstıtýsıa jobasynda bilim berý júıesiniń zaıyrly sıpatyn bekitetin jańa normaǵa da erekshe kóńil bólingen.
«Qazaqstan Respýblıkasynyń aýmaǵyndaǵy bilim berý uıymdarynda oqý men tárbıe berý júıesi, dinı bilim berý uıymdaryn qospaǵanda, zaıyrly sıpatta bolýy tıis. Bul balalardyń bilim alýǵa degen quqyǵyn tolyq júzege asyrýyna jaǵdaı jasaıdy», – dep túıindedi Bala quqyqtary jónindegi ýákil.