Prezıdent Qasym-Jomart Toqaev pen bas hatshy Antonıý Gýterrısh Almaty qalasyndaǵy BUU óńirlik ortalyǵyna bardy, - dep habarlaıdy Aqshamnews.kz.
Memleket basshysy men BUU Bas hatshysy Qazaqstan Úkimeti men Uıym arasynda BUU-nyń Ortalyq Azıa men Aýǵanstanǵa arnalǵan ornyqty damý maqsattary jónindegi óńirlik ortalyǵyn qurý týraly kelisimge qol qoıý rásimine qatysty.
Eske salaıyq, buǵan deıin Memleket basshysy BUU bas hatshysy Antonıý Gýterrıshpen kelissóz júrgizdi. Kezdesý barysynda Prezıdent Qasym-Jomart Toqaev Qazaqstanǵa saparmen kelgen bas hatshyǵa rızashylyǵyn bildirdi.
Memleket basshysy BUU Bas Assambleıasynyń 80-shi sesıasy qarsańyndaǵy tyǵyz jumys kestesine qaramastan mártebeli meımannyń Almatyǵa arnaıy kelgenin atap ótti. Bul sapardyń elimiz úshin máni zor ári Uıymnyń ornyqty damý kún tártibine beıildigin kórsetedi.
Qasym-Jomart Toqaevtyń aıtýynsha, Ortalyq Azıada ornyqty damý maqsattaryna arnalǵan alǵashqy ortalyqtyń ashylýy – búkil aımaq úshin aıtýly jetistik.
"Osy bastamany qoldaǵanyńyz úshin Sizge jáne Sizdiń ujymyńyzǵa ózimniń, sondaı-aq Qazaqstan halqynyń atynan alǵys aıtamyn. Sizdiń der kezinde qolǵa alǵan ári keleshekti oılaǵan UN80 bastamańyzdy joǵary baǵalaımyn. Qazaqstan uıymdy reformalaý jolyndaǵy is-áreketterińizdi tolyq qoldaıdy. Osy rette elimizdiń Uıym qyzmetiniń negizinde jatqan mýltılateralızm, dıplomatıa jáne yntymaqtastyq qaǵıdattaryna árdaıym beıil ekenin taǵy da rastaımyn", – dedi Prezıdent.