Memleket basshysy Qasym-Jomart Toqaev Ózbekstan prezıdentine alǵys aıtyp, hat joldady, - dep habarlaıdy aqshamnews.kz tilshisi.
Qasym-Jomart Toqaev Shavkat Mırzıóevke 14-16 qarasha kúnderi Ózbekstan Respýblıkasyna memlekettik sapary barysynda Qazaqstan delegasıasyna kórsetken qonaqjaılyǵy úshin rızashylyǵyn bildirdi.
Prezıdent hatta eki eldiń strategıalyq seriktestik jáne odaqtastyq qarym-qatynastaryn nyǵaıtýǵa tyń serpin bergen bul sapardyń tarıhı mánine toqtalǵan.
Qasym-Jomart Toqaev Tashkentte uıymdastyrylǵan Ortalyq Azıa memleketteri basshylarynyń VII Konsýltatıvtik kezdesýine joǵary baǵa berdi.
Memleket basshysynyń pikirinshe, óńirlik yqpaldastyqtyń barlyq baǵyty boıynsha órbigen mazmundy pikirtalastar, qabyldanǵan mańyzdy sheshimder men qujattar, sondaı-aq dıalogqa Ázerbaıjannyń tolyq quqyly múshe retinde qosylýy forýmnyń strategıalyq sıpatyn arttyra tústi.