Nur Otan partıasynyń kezekten tys HHİ sezinde QR Prezıdenti Qasym-Jomart Toqaev partıa tóraǵasynyń birinshi orynbasary laýazymyn ózgertýdi usyndy, dep habarlaıdy Almaty-akshamy.kz
«Partıa qurylymyn qaıta qarap jáne ońtaılandyrý arqyly óziniń uıymdastyrýshylyq tıimdiligin arttyrýy kerek. Partıa apparatyn servıstik modelge qaraı qurýǵa basymdyq berilýi tıis»,- dedi QR Prezıdenti.
Memleket basshysy partıanyń uıymdastyrýshylyq qurylymyn da qaıta qaraý kerektigin basa aıtty.
«Atap aıtqanda, partıa tóraǵasynyń birinshi orynbasarynyń ornyna atqarýshy hatshy, sonymen qatar tıisti baǵyttar boıynsha ózge de hatshylar pozısıasyn qarastyrý kerek. Partıanyń janynan qurylǵan qoǵamdyq keńester ashyq jáne naqty alańdarǵa aınalýy, olarda eń ótkir taqyryptar boıynsha usynymdar ázirlenýi tıis. Olar ózekti problemalardy sheshýdiń is júzindegi shynaıy tetigine transformasıalanýy qajet», - dedi Qasym-Jomart Toqaev.