«Partıa memlekettik organdardyń jumysyn kóshirmeýi tıis. Bul týraly Nur Otan partıasynyń kezekten tys HHİ sezinde QR Prezıdenti Qasym-Jomart Toqaev aıtty, dep habarlaıdy Almaty-akshamy.kz
«Partıa memlekettik organdardyń jumysyn kóshirmeýi tıis. Memlekettik apparatynyń qyzmetteri bir, partıaniki múldem bólek. Nur Otan negizinen ıdeologıalyq jáne kadrlyq jumystarmen aınalysýy, qajet bolǵan jaǵdaıda memlekettik apparattyń jumysyn baǵyttap otyrýy kerek»,- dedi QR Prezıdenti.
Memleket basshysy ótken jylǵy saılaýlardyń qorytyndysynda Nur Otan halyqtan senimniń qajetti mandatyn alǵanyn basa aıtty.
«Biraq, atqarýshy bılik ony paıdalana almady. Áleýmettik-ekonomıkalyq ahýaldyń aıtarlyqtaı nasharlaýyna jol berdi. Tapsyrmalar, josparlar, mindetter jıi formaldy, qaǵaz júzinde ǵana oryndaldy», - dedi Qasym-Jomart Toqaev.