Endi Májilis pen máslıhat saılaýy ótkiziledi.
Memleket basshysy Parlament palatalarynyń tóraǵalary jáne Premer-Mınıstrmen Májilisti taratý jáne máslıhattardyń ókilettigin merziminen buryn toqtatý jóninde keńes ótkizdi, dep habarlaıdy Almaty-akshamy.kz Aqordaǵa silteme jasap.
Qasym-Jomart Toqaev Qazaqstan halqy referendýmda saıası ózgeristerge, sonyń ishinde Parlamentti jáne máslıhattardy jasaqtaý tártibin jańartýǵa qoldaý bildirgenin aıtty.
«Men qyrkúıektegi joldaýymda alda turǵan saılaý naýqandary týraly aıttym. Soǵan sáıkes, ótken jyldyń qarasha aıynda kezekten tys prezıdent saılaýy ótti. Jýyrda Senat depýtattarynyń bir bóligi saılandy. Endi Májilis pen máslıhat saılaýyn ótkizýimiz kerek», - dedi Prezıdent.
Memleket basshysy, Konstıtýsıanyń 63-shi jáne 86-shy baptaryna sáıkes, ótkizgen keńes barysynda Senat tóraǵasy Máýlen Áshimbaev, Májilis tóraǵasy Erlan Qoshanov jáne Premer-Mınıstr Álıhan Smaıylov sóz sóıledi.
Kezdesý sońynda Prezıdent barlyq aıtylǵan oı-tujyrymdardy eskerip, naqty sheshim qabyldaıtynyn málimdedi.