Memleket basshysy Qasym-Jomart Toqaev Qarjy monıtorıńi agenttiginde jıyn ótkizdi, - dep habarlaıdy aqshamnews.kz tilshisi.
Prezıdent sala mamandaryn kásibı merekesimen quttyqtap, osydan bes jyl buryn, el ishinde aýqymdy ózgerister qolǵa alynyp jatqan tarıhı kezeńde qurylǵan Qarjylyq monıtorıń agenttigi ózine júktelgen jaýapkershilik pen mindetti abyroımen oryndap kele jatqanyna nazar aýdardy.
"Jańa salyq saıasaty kúshine engeli beri naqty aınalymdy jasyrý úshin qolma-qol tólem kóleminiń artqany týraly málimetter kelip tústi. Bólshek saýdamen aınalysatyn saýdagerler taýardyń aqysyn qolma-qol aqshamen nemese aýdarym arqyly tólegenine qaraı salyq somasyn shegerip, eki túrli baǵa aıta bastady. Buǵan, árıne, kóz juma qaraýǵa bolmaıdy. Óıtkeni mundaı áreketter memlekettiń salyqty ákimshilendirý tetikterin jetildirý baǵytyndaǵy eńbegin zaıa ketiredi. Kiristi jylystatý jáne kapıtaldy astyrtyn krıptoperasıalar arqyly zańsyz shyǵarý problemaǵa aınaldy. Búginge deıin 62 mıllıard teńgeden astam qarjy aınalymy bar 130 zańsyz krıptoalmasý qyzmeti joıyldy. Osy isterdiń aıasynda 2,6 mıllıard teńgeniń múlkine tyıym salyndy. Budan bólek, áleýmettik jelilerde aqshany krıptoǵa aıyrbastaý jarnamasy tyıylmaı tur. Demek, másele túbegeıli sheshimin tappaǵan. Halyqaralyq uıymdardyń baǵalaýynsha, elimiz syrtqa shyǵarylǵan kapıtaldyń kólemi jaǵynan "kósh bastap turǵan memleketterdiń" biri. Al osyndaı qylmys úshin sottalǵandar joqqa tán. Kapıtaldyń zańsyz syrtqa ketýi ekonomıkalyq qaýipsizdigimizge tikeleı qater tóndiredi. Agenttik atalǵan máseleler boıynsha naqty usynys engizsin", – dedi Qasym-Jomart Toqaev.