Memleket basshysy Qasym-Jomart Toqaev Kırstı Koventrıge Halyqaralyq Olımpıada komıtetiniń prezıdenti bolyp saılanýyna oraı quttyqtaý jedelhatyn joldady, dep habarlaıdy aqshamnews.kz Aqordanyń baspasóz qyzmetine silteme jasap.
«Qazaqstan Prezıdenti Zımbabve ókiliniń sporttaǵy aıtýly jetistikterin jáne memlekettik qyzmettegi baı tájirıbesin atap ótip, onyń halyqaralyq olımpıada qozǵalysyn damytýdaǵy qyzmetine sáttilik tiledi», - delingen habarlamada.
Aıta ketsek, Kırstı Koventrı 2013 jyly saılanǵan jáne 2021 jyly qaıta saılanǵan Tomas Bahtyń ornyna keldi. Tomas Bah 49 daýys alsa, Kırstı Koventrı 97 daýyspen kópshilik qoldaýyna ıe boldy.
Jańa saılanǵan prezıdent 2025 jyldyń 23 maýsymynda Tomas Bah ókilettigin tapsyrǵan soń qyzmetine kirisedi. Sol kezge deıin qyzmetin atqara beretin Bah ókilettigin ótkizip bergennen keıin HOK múshesi retindegi qyzmetinen de ketip, qurmetti prezıdent atanady.
Kırstı Koventrı - álemdik júzý sportynyń ańyzy, jeti birdeı Olımpıada medaliniń ıegeri. Ol óz eliniń atyn shyǵaryp qana qoımaı, sportty saıası mansabynyń bir bóligine aınaldyra bildi. Ol Zımbabve sport mınıstrligin basqardy, HOK-da jumys istedi jáne qazir halyqaralyq uıymdy basqaratyn alǵashqy áıel atandy.