Tóle bı kóshesin batys baǵytta uzartý jumysynyń birinshi ýchaskesi Iassaýı kóshesinen bastalyp, Áshimov kóshesine deıingi aralyqty qamtıdy. 22 jer telimi satyp alyndy, dep habarlaıdy Almaty-akshamy.kz.
Qalalyq ákimdiktiń baspasóz qyzmeti, jobanyń memlekettik saraptamadan ótkenin málim etti.
«Búdjet qarjysyna jer telimderi satyp alyndy. Qazir Tóle bı kóshesin batys baǵytta uzartý jumysy bastalyp ketti. Birinshi ýchaskesi Iassaýı kóshesinen bastalyp, Áshimov kóshesine deıingi aralyqty qamtymaq. Jobany 2023 jyldyń jeltoqsan aıynda aıaqtaý josparlanyp otyr. Qazirgi ýaqytta 270 jer teliminiń 22 ýchaskesi satyp alyndy», - dep jaýap berdi ákimdik QazAqparat agenttigi joldaǵan saýalǵa.
2020 jyly Almaty Mobıldilik basqarmasynyń tapsyrysymen qurylystyń joba-smetalyq qujattamasy ázirlendi. Ol turǵyndardyń nazaryna usynylyp, qoǵamdyq tyńdaýdan ótti.
Tóle bı kóshesi jalpy 4,5 shaqyrymǵa uzarady. Joba eki ýchaskege bólingen: birinshi ýchaske Iassaýı kóshesinen Áshimov kóshesine deıin, uzyndyǵy 2,2 shaqyrym, ekinshi ýchaskesi Áshimov kóshesinen bastalyp, qalanyń shekarasyna deıin sozylady. Bul aýmaqta uzyndyǵy 2,3 shaqyrym jol jasalmaq.
Sondaı-aq ákimdik taratqan málimetke sáıkes, bıyl mamyr aıynyń sońyna deıin Áýezov kóshesin Gogol kóshesinen Raıymbek dańǵylyna deıingi uzartý jumystary aıaqtalady. Onyń uzyndyǵy 0,8 km, eni tórt jolaq bolmaq.
Sonymen qatar, bıyl N.Tilendıev kóshesi men Soltústik aınalma joly soltústik baǵytta Úlken Almaty aınalma avtomobıl jolyna deıin uzartylady.
Jalpy 2030 jylǵa deıin Almatyda 38 kóshe uzaratylady.
Sarapshylar jańa kóshelerdi eki kezeńde salýdy usynyp otyr. Kóshelerdiń bir bóligin - 2025 jylǵa deıin, al ekinshisin - 2030 jylǵa deıin.