Almatyda 40 adamdy kene shaqty
Almatyda sáýir aıynda qalalyq jedel-shuǵyl kómek kórsetý aýrýhanasyna kene shaqqan 40 adam túsken, dep habarlaıdy Almaty-akshamy.kz «Habar 24»-ke silteme jasa
P.
Olardyń barlyǵyna kene ımmýnoglobýlıni salyndy, - dedi aýrýhananyń qabyldaý bóliminiń meńgerýshisi Baýyrjan Omarov. Al jyl basynan beri eki adamnan kene ensefalıty tabylǵan.
Mamandardyń aıtýynsha, sáýir men maýsym aılarynda qaýipti jándikter belsendi bolady. Almatyda kene shaǵý yqtımaldyǵy joǵary aımaqtarǵa Kóktóbe, Medeý jáne Alma-arasan shatqaldary jatady. Sondyqtan dárigerler tabıǵatqa shyqqanda abaı bolýdy eskertedi. Aq tústi jabyq kıim kıgen jón.
Eger kene shaqsa, alǵashqy 72 saǵatta dárigerge kóriný qajet. Zıankesti aýrýhanaǵa ózimen birge shyny ydysqa salyp alyp kelgeni jón.
Sebebi, tabıǵattaǵy kenelerdiń 1,5-2 prosentinde ǵana kene ensefalıtynyń qozdyrǵyshy bolady. Ony tek zerthanada tekserýge múmkindik bar.
– Kene aýrýynyń qaterliligi sonda, ol aýrý kezinde kene aýrýynyń qozdyrǵyshy arbavırýstar ortalyq júıke júıesin zaqymdaı otyryp, aýrýda tek qana dene qyzýy sonymen qatar, ýlaný týdyrmaı, jáne óte aýyr túrde ártúrli saldarlar týǵyzýy yqtımal. Sondyqtan, saldanýdyń áserinen adam kemtar bolyp qalýy múmkin. Sondyqtan kene ensefalıtyna óte durys kózqaraspen qarap, ony aldyn ala boldyrmaý qajet, - deıdi qalalyq qoǵamdyq densaýlyq basqarmasynyń shtattan tys bas ınfeksıonısi Ádil Qatarbaev.