Elordada erler men áıelder arasynda Prezıdent kýbogynyń fınalyna shyqqan tenısshiler anyqtaldy, dep habarlaıdy Almaty-akshamy.kz Inform.kz-ke silteme jasap.
Qazaqstan tenıs federasıasynan málim etkenindeı, Denıs Evseev óz sporttyq jolynda alǵash ret chellendjer týrnıriniń fınalyna joldama aldy. D.Evseev jartylaı fınalda otandasy Beıbit Jýkaevty 6:4, 6:4 esebimen utty.
Ár partıada Denıs bir-birden breık jasady. D.Evseev jeksenbi kúni fınalda jarystyń birinshi raketkasy, reseılik Roman Safıýllınmen bas júldeni sarapqa salady. R.Safıýllın jartylaı fınalda taǵy bir qazaqstandyq Dmıtrıı Popkodan aılasyn asyrdy - 6:3, 6:2.
Prezıdent kýbogy aıasynda áıelder arasynda ITF M60 dodasynda sońǵy básekede japonıalyq Moıýka Ýchıdjıma men serbıalyq Natalá Stefanovıch kezdesedi. Eske sala keteıik, budan buryn alǵash ret úsh qazaqstandyq tenısshiniń Prezıdent kýbogynyń jartylaı fınalyna shyqqanyn jazǵan bolatynbyz.