Balalar telefonǵa "telmirip" otyrady, sebebi olarǵa jaǵymdy áser men emosıalar jetispeıdi. Bul týraly psıholog Aleksandra Fokına aıtty, - dep habarlaıdy Aqshamnews.kz tilshisi "Lenta.rý" basylymyna silteme jasap.
Psıhologtyń aıtýynsha, eger bala telefonǵa táýeldi bola bastasa, onda birneshe qarapaıym ádisti qoldaný kerek. Eń aldymen, balanyń gadjetsiz aınalysyp jatqan árbir isin baıqap, sol úshin maqtap otyrý kerek. Mysaly, onyń shyǵarmashylyǵyna tańǵalýdy, jyly sózdi aıamaı aıtý kerek.
"Máselen, "Sýretti qalaı ádemi etip salasyń?" "Men munda tutas bir oıynshyq sarbaz armıasyn kórip turmyn", – dep birneshe mysal keltirdi psıholog.
Fokınanyń sózinshe, balalar kóbine gadjetterge ata-analaryna yńǵaıly bolǵandyqtan da "baılanyp" qalady.
Sarapshy ata-analarǵa oı saldy.
"Siz balaǵa ýaqyt pen kúsh jumsaýǵa shama joq kezde ár joly gadjet nemese mýltıkpen "qutylyp" júrgen shyǵarsyz? Sony oılap kórińiz" – dep eskertti sarapshy.
Mundaı jaǵdaıda ol aldymen ata-analar óz minez-qulqyn ózgertýi keregin, ol ózgeris balalarǵa da oń áser etetinin atap ótti.
Sarapshy ata-analarǵa balaǵa jaǵymdy emosıalar syılaýdy – onymen oınaýdy, birge jańa kóńil kóterý túrlerin oılap tabýdy usyndy.
Sondaı-aq maman ata-anasy úıde joq kezde balalardy telefonnan alańdatýdyń erekshe tásilin atady. Ol olarǵa ótinish pen tilekter jazylǵan shaǵyn hattar qaldyrýǵa keńes berdi.
"Mysaly: "Súıikti balalarym! Senderden planshettegi oıyndy unatqannan da qyzyǵyraq bes is oılap taýyp, sony sýrettep salýlaryńdy suraımyn. Senderdi jaqsy kóremin" degen sekildi hattar joldaýǵa bolady, – dep qorytyndylady Fokına.