Sherýshiler sot júıesin qaıta qaraýdy talap etti
Senbi kúni keshke Tel-Avıvtegi Habıma alańyna on myńdaǵan sherýshiler shyqty. Olar Premer-Mınıstr Bınámın Netanáhýdyń jańa úkimetine jáne onyń Izraıldiń ádilet júıesin ózgertý josparyna narazylyq bildirdi, dep habarlaıdy Almaty-akshamy.kz hromadske.ua portalyna silteme jasap.
Alań men kóshelerge 80 myńǵa jýyq adam shyqty. Sherýler Ierýsalım men Haıfa qalalarynda da ótti.
Polısıanyń eskertýine jáne Ulttyq qaýipsizdik mınıstri Itamar Ben-Gvırdiń tártipsizdik jasamaýǵa shaqyrǵanyna qaramastan, demonstranttar men saqshylar arasyndaǵy birneshe qaqtyǵys boldy. Degenmen, narazylyq sońy beıbit aıaqtaldy. Sherýshiler «Qylmystyq úkimet», «Demokratıanyń aıaqtalýy» jáne basqa da urandar jazylǵan plakattardy, Izraıl týyn ustap shyqty.
Benámın Netanáhý bastaǵan Izraıldiń jańa úkimeti eki aptadan astam ýaqyt boıy bılikte. Saıasatker eldiń zań júıesin qaıta qaraýdy kún tártibindegi basty másele etip qoıdy. Bul qadam, belsendilerdiń pikirinshe, el damýyn tejep, demokratıaǵa keri áser etedi.