Sarqan aýdanynda ulttyq joba «Taza Qazaqstan» sheńberinde abattandyrý jumystary jalǵasýda. Kezekti kúzgi senbilik Sarqan qalasyndaǵy ortalyq «Qoıtas» saıabaǵynda ótti. Sharaǵa jergilikti turǵyndar, mekeme qyzmetkerleri men komýnaldyq qyzmet ókilderi qatysty.
Kúni boıy qatysýshylar saıabaq aýmaǵyn qoqystan tazalap, aryqtardy ashty, joldardy sypyryp, aǵashtarǵa kútim jasady, túsken japyraqtar men qaldyqtardy shyǵardy. Oǵan barlyǵy 70-ke jýyq adam qatysyp, 2 arnaıy tehnıka birligi jumyldyryldy.
Ártúrli mekeme qyzmetkerleriniń belsendiligi men uıymshyldyǵy aıryqsha atap ótildi. Olardyń eńbegi qoǵamdyq keńistiktiń shynaıy ózgerýine úlgi boldy.
«Qoıtas» saıabaǵy qala turǵyndarynyń súıikti demalys oryndarynyń biri bolǵandyqtan, onyń abattandyrylýyna erekshe kóńil bólinýde. Mundaı senbilikter tek ekologıalyq jaǵdaıdy jaqsartýmen shektelmeı, turǵyndarda tabıǵatqa uqypty qaraý mádenıetin de qalyptastyrady.
Eske sala ketsek, ulttyq joba «Taza Qazaqstan» elimizde taza ári qaýipsiz ekologıalyq orta qurýdy kózdeıdi. Ol joba jasyna, kásibine nemese áleýmettik mártebesine qaramastan, barsha azamatty ortaq maqsat – tabıǵatty qorǵaý jáne qalalar men aýyldardy taza ustaý isine biriktiredi.