Úlken jáne Kishi Almaty sý alabynda qar kóshkini júrýi múmkin
Almaty qalasynyń Tótenshe jaǵdaılar departamenti taýda abaı bolýǵa shaqyrdy, dep habarlaıdy almaty-akshamy.kz
«31 naýryz ben 1 sáýir aralyǵynda jylymyqtyń áserinen jáne qar jamylǵysynyń turaqsyz bolýyna baılanysty Úlken jáne Kishi Almaty sý alabynda qar kóshkini júrýi múmkin. Qıyn jaǵdaıǵa urynbas úshin, taý bókterine shyǵýǵa tyıym salynady», - dep eskertedi Almaty qalalyq TJD baspasóz qyzmeti.
Almaty taýlarynda kóshkin qaýpi saqtalady. Qutqarýshylar profılaktıkalyq qar túsirý jumysyn jalǵastyryp jatyr.
«Shymbulaq» TSHK aýmaǵynda demalýshylardyń qaýipsizdigin qamtamasyz etý maqsatynda «Avalancher» pnevmatıkalyq qondyrǵysy arqyly qar kóshkini júrgizildi.
«Túsirilgen qardyń kólemi - 300 sharshy metr. Túsken massa taý shańǵysy trassasyna deıin jetip, tazalaý jumystaryn TGK Shymbulaq búldozerimen júrgizdi», - dep habarlady vedomstvodan.