Konkýrstyq ótinimder memlekettik jáne orys tilderinde qabyldanady.
Aqparat jáne qoǵamdyq damý mınıstrligi Memleket basshysymen taǵaıyndalǵan «Táýelsizdik urpaqtary» grantyn usyný jónindegi konkýrsqa ótinim qabyldaý merzimi 2022 jylǵy 25 qyrkúıekke deıin uzartylǵanyn málim etti, dep habarlaıdy Almaty-akshamy.kz Elorda.info-ǵa cilteme jasap.
Úmitkerlerdiń konkýrstyq ótinimderi (elektrondyq nusqasy) generation.kaz@gmail.com poshtasy arqyly, (qaǵaz nusqasynda)Nur-Sultan qalasy, Máńgilik el dańǵyly, 8, «Mınıstrlikter Úıi» Ákimshilik ǵımaraty (14-kireberis) mekenjaıy boıynsha qabyldanady.
Baılanys nomerleri: 8 (7172) 74-12-78, 8 (702-000-88-12).
Konkýrstyq ótinimder memlekettik jáne orys tilderinde qabyldanady jáne:
1) nysan boıynsha jobanyń sıpattamasy;
2) jobanyń beıne-tanystyrylymy (60 sekýndtan aspaıdy);
3) shyǵyndar smetasynyń jobasy;
4) zıatkerlik menshik týraly málimetter (bar bolsa) qamtylýy tıis.
AQDM Jastar jáne otbasy isteri komıtetiniń tóraǵasy Qaırat Baımoldınov el jastaryna «Táýelsizdik urpaqtary» grantyn usyný jónindegi konkýrsqa qatysý múmkindigin berý jáne barlyq óńirlerdiń jastaryn qamtýdy keńeıtý maqsatynda konkýrstyq ótinim qabyldaý merzimin 25 qyrkúıekke deıin uzartý týraly sheshim qabyldaǵanyn habarlady.