«Qoǵamdyq joba mekemesi» QB dırektory, Almaty qalasy «Baqylaýshylar mektebiniń» jetekshisi Aleksandr Bratenkov jáne QR Fraıchazıng qaýymdastyǵynyń prezıdenti Beknur Kısıkov qalalyq daýys berý ortalyqtaryndaǵy jaǵdaıǵa baǵa berdi dep habarlaıdly almaty-akshamy.kz
- Almatylyqtar joǵary kóńil-kúımen daýys berip jatqandyǵyna kýá bolyp jatyrmyz. Qala turǵyndarynyń belsendiligi qýantady. Jastar da, egde jastaǵy kisiler de tańerteńnen bastap saılaý ýchaskilerine barýda. Bul adamdardyń sanaly túrge daýys berip, óz bolashaqtaryn ózgertkisi keletinin kórsetedi. Men jeke ózim aralaǵan daýys berý ortalyqtarynyń daıyndyq deńgeıin joǵary baǵaladym. Barlyq ýchaskilerde qyzý jumys júrýde, – dedi QR Fraıchazıng qaýymdastyǵynyń prezıdenti Beknur Kısıkov.
- «Baqylaýshylar mektebi - 2022» Almaty qalasynda 1,5 myńnan astam táýelsiz baqylaýshy daıyndady. Daıyndyq barysynda barlyq táýelsiz baqylaýshylar qajetti nusqaýlyqtar aldy. Olar qalanyń 574 saılaý ýchaskisiniń barlyǵynda daýys berýdiń zańdylyǵyn baqylaıtyn bolady. Referendým – bul shynaıy demokratıaǵa aparatyn qadamdardyń biri. Sondyqtan qoǵamdyq birlestikterdiń atynan barǵan baqylaýshylar óz jumysyn jaýapkershilikpen kásibı túrde oryndaıdy dep senemin, – dedi «Qoǵamdyq joba mekemesi» QB dırektory, Almaty qalasy «Baqylaýshylar mektebiniń» jetekshisi Aleksandr Bratenkov.