QR Memlekettik hatshysy Erlan Qarın referendýmda óz tańdaýyn jasady, dep habarlaıdy almaty-akshamy.kz QazAqparatqa silteme jasap.
Memlekettik hatshy elordadaǵy №111 referendým ýchaskesinde daýys berdi.
«Referendýmǵa qatysýym - jeke tańdaýym. Ár azamat el ómirine qatysty mańyzdy sharalarǵa belsene qatysqany jón. 1995 jylǵy referendým áli esimde. Men ol kezde stýdentpin. Referendým boıynsha bastamashy toptyń quramynda bolyp, úılerdi aralap, halyqqa Konstıtýsıanyń mańyzdylyǵyna qatysty túsindirý jumysymen aınalystyq. Búgin otbasymmen keldim. Referendýmǵa deıin otbasymda onyń máni men mańyzdylyǵy, qalaı ótetindigi týraly áńgime qurdyq. Balalarymmen referendým týraly dıskýssıa ótkizdik, olardyń bul sharadan habary bary qýantty», - dedi Erlan Qarın BAQ ókilderiniń suraǵyna jaýap bere turyp.
Memlekettik hatshynyń málimetinshe, referendýmda jastar asa belsendilik tanytýda.
«Qazir jastar belsendi. Olardyń eldiń saıası, ekonomıkalyq, áleýmettik damý jaǵdaıyna qatysty suraǵy kóp. Jalpy búgingi sharaǵa qazaqstandyqtar belsene qatysyp, óz tańdaýyn jasaıdy degen senimdemin. Referendýmǵa daıyndyq barysynda elimizdiń biraz óńirinde boldym. Túsindirý jumystary kezinde azamattardyń belsendiligi baıqaldy. Konstıtýsıaǵa engiziletin ózgerister qyzý talqyǵa salyndy. Sol sıaqty demalys kúnderi otbasymmen, balalarymmen qydyryp júrgende kóshede kórip, tanyǵan azamattar toqtap, referendýmǵa qatysty suraqtaryn qoıyp jatty. Bul da qyzyǵýshylyqtyń belgisi», - deıdi ol.