Káýáp ázirleý úshin 12 adam ot jaqqan.
Almaty qalalyq TJD qyzmetkerleri İle-Alataý ulttyq tabıǵı parkiniń mamandarymen birge reıdter ótkizip, órt qaýipsizdigin óreskel buzǵan ondaǵan demalýshylardy anyqtady, dep habarlaıdy Almaty-akshamy.kz
Jalpy alǵanda taýly-ormandy aımaqta 30 shaqty órt qaýipsizdigin elemeý deregi anyqtalǵan, İle-Alataý ulttyq tabıǵı parkinde káýáp ázirleý úshin 12 adam ot jaqqan. Olarǵa 4 mıllıon 140 myń teńge aıyppul salynǵan.
"Sondaı-aq, túngi ýaqytta Kók-Jaılaýda úsh hattama resimdeldi - 22:00-den 03:00-ge deıin, er adamdar jylyný úshin ot jaqqan. Sonymen qatar, taýly-ormandy jerlerde órt qaýipsizdigin buzǵan 17 adam ÁQBtK-niń 505-baby boıynsha "Qalalar men eldi mekenderdiń aýmaqtaryn abattandyrý qaǵıdalaryn buzý, sondaı-aq qalalar men eldi mekender ınfraqurylymy obektilerin buzý, jasyl ekpelerin joıý jáne búldirý" boıynsha ákimshilik jaýapkershilikke tartyldy", - dedi Almaty TJD ókilderi.
Vedomstvo mamandary ormandardaǵy jáne erekshe qorǵalatyn tabıǵı aýmaqtardaǵy órt qaýipsizdigi men sanıtarlyq erejelerdiń talaptaryn buzý jeke tulǵalarǵa 100 aılyq eseptik kórsetkish - 345 000 teńge mólsherinde aıyppul arqalaıtynyn eskertedi.
"Joǵary órt qaýpi saqtalatynyn eskere otyryp, Almaty TJD bólimsheleri qyzmet ótkerýdiń kúsheıtilgen nusqasyna aýystyryldy, qurǵaq ósimdikter órtine ushyraǵan ýchaskelerde kúndelikti patrúl uıymdastyryldy, "sóıleıtin" drondar paıdalanylyp jatyr. Orman sharýashylyǵy mekemeleriniń atty jáne jaıaý patrúlderi qyzmet atqarýǵa kómektesedi", - deıdi vedomstvo mamandary.
TJD-daǵy demalýshylar men týrıser úshin İle-Alataý ulttyq parkinde ystyq tamaq daıyndaýǵa arnalǵan arnaıy jabdyqtalǵan 14 oryn bar ekenin eske salady. Almaty-Arasan shatqalynyń aýmaǵynda - Úlken Almaty jáne Kazachka ózenderiniń boıynda 12 oryn. Býtakovkada - 2 oryn.