Sarapshy kishkentaı shoshqa týraly anımasıalyq serıany kórý arqyly balalar buzyq bolady dep sanaıdy
Bala tárbıesi boıynsha keńesshi Sofı Gaıls Peppa Pig múltfılmin balalar men jasóspirimderdiń psıhıkasy úshin qaýipti dep sanaıdy, – dep habarlaıdy Almaty-akshamy.kz Tengrinews.kz-ke silteme jasap.
Sarapshy kishkentaı shoshqa týraly anımasıalyq serıany kórý arqyly balalar buzyq bolady dep sanaıdy. Bul múltfılmde balalar ákesimen óktem únmen qarym-qatynas jasaıdy. Kishkentaı balalar bulaı sóıleý durys dep sanap, ata-anasymen dál osylaı qarym-qatynas jasaýy múmkin.
«Múltfılmde ákesin únemi keleke etedi, sebebi bári ony aqymaq sanaıdy. Ol bul jaǵdaıǵa kúledi, biraq bul – eresek adam úshin jaǵymsyz jaǵdaı», – deıdi Djaıls.
«Sonymen qatar, ata-analar balasy qalaǵan nárseni jasaıdy, bul ómirdegi shynaıy kóriniske uqsamaıdy. Balalardan birnárse suraǵan saıyn kúıgelek bolady. Balańyzdyń mundaı minez-qulyq tanytqanyn qalamaıtyn shyǵarsyz», – dedi ol.
Psıholog basqa múltfılmderdi de synǵa aldy. Paw Patrol, Little Princess jáne Fireman Sam sekildi múltfılmder balalarǵa oń áser bermeıtinin aıtty.
Maman ata-analarǵa birneshe epızodty ózderi qarap, baǵalaýǵa keńes berdi. Onyń pikirinshe, eresekter sodan keıin balanyń minez-qulqyna teris áser etetinine kóz jetkize alady.
2019 jyly amerıkalyq oıynshyqtar shyǵaratyn Hasbro kompanıasy baǵasy 4 mıllıard dollar bolatyn kelisim jasaǵany týraly habarlandy. Bul aqshaǵa ol kanadalyq Entertainment One kompanıasynan «Peppa Pig» múltfılminiń quqyǵyn satyp alǵysy kelgen.