Uıym ózin «Aýǵanstan Islam emıraty»,dep ataı bastady.
«Talıban» Aýǵanstandaǵy jańa úkimettiń quramyn jarıalady, dep habarlaıdy Almaty-akshamy.kz QazAqparatqa cilteme jasap.
«Aýǵanstan Islam emıratynyń» premeri mindetin atqarýshy qyzmetine molla Mohammad Hasan Ahýnd taǵaıyndaldy. Uıym ózin osylaı ataı bastady. Ol tálipterdiń «Shýra» joǵarǵy keńesiniń jetekshisi bolǵan. Mohammad Qandaǵarda dúnıege kelgen. Atalmysh áskerı uıym da sol qalada uıymdastyrylǵan.
Premer-mınıstrdiń orynbasary Abdýl Ganı Baradar boldy. Ol toptyń uıymdastyrýshysynyń biri, qýǵynda júrgende Qatarda Talıban úkimetin basqarǵan. Ekinshi orynbasar - molla Abdýl Salam Hanafı. Ol Dohada ótken kelissózderde tálipter delegasıasynyń ekinshi tulǵasy boldy.
Molla Abdýl Hak Vasık barlaý mınıstrligin basqarady. Ol buǵan deıin tálipterdiń saıası basqarmasynda Eýropa bólimine jetekshilik etken.
Aýǵanstannyń Syrtqy ister mınıstrligin qozǵalys kósemderiniń biri molla Amır Han Mottakı basqarady.
İİM basshysy bolyp qozǵalys kósemderiniń biri Sıradjýddın Hakkanıdiń uly taǵaıyndaldy. Ol uıymnyń eń radıkaldy qanaty «Hakkanı jelisine» jetekshilik etken.
Aýǵanstannyń qorǵanys mınıstri «Talıbandy» qurýshynyń biri molla Mohammad Iakýbtyń balasy boldy.
Qarjy mınıstri bolyp molla Eıadýlla Badrı taǵaıyndaldy. Ekonomıka mınıstrligin Mohammad Hanıf basqarady. Ortalyq banktiń basshysy - molla Mohammad Idrıs.
Bilim mınıstri - sheıh Mavlavı Nýrýlla Mýnır. Shekara jáne taıpalar mınıstri— Nýrýlla Nýrı. Tabıǵı resýrstar mınıstri— molla Mohammed Isa Ahýnd. Sý jáne elektrmen jabdyqtaý is boıynsha mınıstr— molla Abdýl Latıf Mansýr. Aýylsharýashylyǵy mınıstri— molla Abdýl Manan Omarı.
Mádenıet jáne aqparat mınıstrligine Zabıhýlla Mýdjahıd jetekshilik etedi, ol tálipterdiń resmı ókili bolǵan.