Eki aptada synaqtan ótken talapkerdiń sany – 59 myń.
Jastardyń 71,49%-y qazaq tilinde testileýden ótti, dep habarlaıdy Almaty-akshamy.kz Ǵylym jáne joǵary bilim mınıstrligine silteme jasap.
Naýryz aıyndaǵy UBT bastalǵannan beri 59 myńnan astam adam test tapsyrdy. Onyń ishinde talapkerlerdiń 71,49%-y qazaq tilinde, 29,39%-y orys tilinde, 70 adam aǵylshyn tilinde testileýden ótti.
UBT bastalǵaly shekti baldy 69,26%-ǵa jýyq talapker jınady. Ortasha balǵa keletin bolsaq, ol 65,08 bal boldy. Eń joǵary bal – 137.
Testke qatysýshylardyń basym bóligi «Matematıka-Fızıka» 17,38% jáne «Bıologıa-Hımıa» kombınasıasyn 15,91%-dan tapsyrdy. Sondaı-aq top-3 qataryna talapkerlerdiń 11,75%-y tańdaǵan «Matematıka-Informatıka» kombınasıasy kirdi. Eń az tańdalǵan kombınasıa – «Hımıa-Fızıka», ony 76 adam tapsyrǵan.
Búginde 81 ereje buzýshylyq anyqtalǵan. Onyń ishinde 50 talapker smartfon, shpargalka jáne basqa da tyıym salynǵan zattardy alyp ótý áreketi saldarynan test tapsyrý múmkindiginen aıyryldy. Testileý kezinde erejelerdi buzǵany úshin aýdıtorıadan 31 adam shyǵarylyp, olardyń nátıjeleri joıyldy. Bógde tulǵalar anyqtalǵan joq, – delingen habarlamada.
Erekshe bilim berý qajettilikteri bar oqýǵa túsýshiler úshin qolaıly jaǵdaı jasaýdyń arqasynda UBT-ǵa eki aptada 148 talapker qatysty.
Talapkerler testileý aıaqtalǵannan keıin 30 mınýtta apelásıaǵa bere alady. Sertıfıkat apelásıa týraly sheshim qabyldanǵannan keıin testilenýshiniń jeke kabınetinde qoljetimdi bolady.
2024 jylǵy UBT aıaqtalǵannan keıin kúntizbelik jyldyń 31 qazanyna deıin testileýdiń beınejazbalaryna taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda túsýshiniń UBT nátıjeleri joıylady.