🍊Qurma – kalıı, magnıı men klechatkaǵa baı jáne onyń quramynda tabıǵı qant bar. Bul jemis júrektiń saýlyǵyna paıdaly, qan qysymyn retteıdi, as qorytýǵa jaqsy. Táttiligine qaramastan, qurmanyń glıkemıa ındeksi tómen, sondyqtan qanttyń ornyna jeýge bolady.
🍍Ananastyń quramyndaǵy bromelaın degen tabıǵı ferment aqýyzdy, jalpy jegen tamaqty qorytýǵa kómektesedi. Oǵan qosa qabynýǵa qarsy qasıeti bar, dene qımylynan keıin qalpyna kelýdi jedeldetedi.
🍃Jalbyz ish kepkende, asqazandaǵy spazm kezinde jaqsy kómektesedi.
🍮Tabıǵı kakao untaǵy flavonoıdqa baı, ol qan aınalymyn jaqsartady, mıǵa paıdaly. Kakao kúızelisti basady. Árıne, óte kóp ishpegen jón.
🥣 Qaraqumyqtyń quramynda rýtın – antıoksıdant kóp. Ol qan tamyryn nyǵaıtady, varıkozdyń aldyn alady, júrekke paıdaly. Qaraqumyqta glúten joq. Ol temir men magnııge baı, dene qýaty men júıke júıesine jaqsy áser etedi.
🍏 Adam aǵzasy tek detoks-dıetamen tazalanady degen durys emes. Óıtkeni:
Bizdiń aǵzamyz baýyr, búırek, ishek pen lımfa júıesi arqyly ózin-ózi tazalaıdy.
Keıbir detoks-dıeta, mysaly tek jemis shyrynyn ishý aǵzaǵa zıan tıgizýi múmkin, óıtkeni aqýyz ben maılar jetispeı qalady.
✔️ Eń durysy, tabıǵı detoks – balansty saqtaı otyryp qunarly tamaq jeý jáne qajetti deńgeıde sý ishý.
Ol úshin:
Kúndelikti rasıonǵa jemis-kókónis qosý, olar baýyr men ishek jumysyn jaqsartady.
Sý aǵzadaǵy toksınderdiń tabıǵı túrde shyǵýyna kómektesedi.
Qantty, alkogól men qatty óńdelgen ónimderdi (mysaly, uzaq saqtalatyn taǵamdar, konserviler) az paıdalaný kerek. Olar baýyrǵa zıan.