Bul akademıaǵa múshe elder: Ázirbaıjan, Qazaqstan, Qyrǵyzstan jáne Túrkıa.
Syrtqy ister mınıstri Muhtar Tileýberdi Túrki akademıasynyń Prezıdenti Darhan Qydyrálimen kezdesti, dep habarlaıdy Almaty-akshamy QR Syrtqy ister mınıstrliginiń baspasóz qyzmetine silteme jasap.
Darhan Qydyráli Akademıanyń qatysýshy eldermen jáne halyqaralyq uıymdarmen, atap aıtqanda BUU, IýNESKO, ISESKO, KOMSTEK-pen júrgizilip jatqan jumysy jáne yntymaqtastyqty damytý týraly habardar etti.
Ol sondaı-aq akademıanyń Ahmet Baıtursynovtyń 150 jyldyǵyna, Názir Tórequlovtyń 130 jyldyǵyna jáne Muhtar Áýezovtiń 125 jyldyǵyna arnalǵan is-sharalarǵa qatysý josparlary týraly aıtyp, bıyl túrki áleminiń rýhanı astanasy - Túrkistan qalasynda Túrkologıanyń dúnıejúzilik kongresin ótkizýge daıyndyq barysy týraly habarlady.
Mınıstr akademıanyń qatysýshy elderdiń ǵylymı jáne mádenı-gýmanıtarlyq yntymaqtastyǵyn ilgeriletýdegi belsendi jumysyn joǵary baǵalady. Kezdesýge Túrki memleketteri uıymy janyndaǵy aqsaqaldar keńesiniń múshesi I.Adyrbek te qatysty.
Túrki akademıasy 2010 jyly 25 mamyrda Qazaqstannyń bastamasymen qurylyp, qazirgi ýaqytta túrkologıanyń halyqaralyq tanylǵan ǵylymı ortalyǵyna aınaldy. Akademıaǵa múshe elder: Ázirbaıjan, Qazaqstan, Qyrǵyzstan jáne Túrkıa. Majarstan baıqaýshy mártebesine ıe. Halyqaralyq uıymnyń shtab-páteri Nur-Sultan qalasynda ornalasqan.