Qazaqstandyq mánerlep syrǵanaýshy, 2019 jylǵy álem vıse-chempıony Elızabet Tursynbaeva Almaty qalasy máslıhatynyń depýtattyǵyna kandıdat bolyp saılanatyny týraly aıtty, dep habarlaıdy Almaty-akshamy.kz. Tengrinews.kz-ke silteme jasap.
"Meniń ortam ómirimde kez kelgen kásipti júregime qanshalyqty jaqyn qabyldaıtynymdy jáne oǵan, jattyǵý prosesi bolsvn, oqý bolsyn, qandaı jaýapkershilikpen jáne synmen qaraıtynymdy biledi.
Sporttyq shyńdalýymnyń arqasynda men kún saıyn barlyq jaǵynan jańa bıikterge jetemin, bul meniń boıyma bala kezimnen sińgen. Kásibı sportshynyń búkil ómiri – eńbek pen tókken ter arqyly maqsatyna jetý. Olar maǵan sense, men bul senimdi aqtaýǵa tyrysatynymdy anyq bilemin.
Bunymen "Amanat" partıasynan Almaty qalasy máslıhatynyń depýtattyǵyna kandıdat bolyp saılanǵanym týraly aıtaıyn dep edim.
Iá, bul úmitkerlik qana, biraq men bolashaqta jaqsy jaqqa ózgerister engize alatyn ókil-tulǵa bolý múmkindigi úshin úlken jaýapkershilik pen qurmetti sezinemin. Bul - bastamasy ǵana. Syrttan qarap, júıege shaǵymdanyp otyrý ońaı, áreket etý áldeqaıda qıyn, sondyqtan men úshin bul ońaı qadam emes. Sizderdiń qoldaýlaryńyz ben birlesken kúsh-jigerlerińizben bári oıdaǵydaı bolady!" - dep jazdy sportshy dúısenbide Instagram-paraqshasynda.
Elızabet Tursynbaeva 22 jasta. Ol - álem chempıonatynyń (2019) jáne Qysqy Ýnıversıadanyń (2019) kúmis júldegeri, Qazaqstannyń tórt dúrkin chempıony, Azıa oıyndarynyń qola júldegeri (2017). Ol eresekter arasynda jalǵyz syrǵanaýdan tórt ret taza sekirýdi oryndaǵan alǵashqy jalǵyz áıel boldy.