1991 jyldan beri elimizge 1 mıllıon 108,5 myń etnıkalyq qazaq kóship kelgen.
Eńbek jáne halyqty áleýmettik qorǵaý mınıstrliginiń 1 aqpandaǵy málimetinshe, 1 539 etnıkalyq qazaq tarıhı otanymen tabysyp, qandas mártebesin aldy, dep habarlaıdy Almaty-akshamy.kz
Jyl basynan beri Qazaqstanǵa oralǵan qandastardyń jartysy (50%) – Ózbekstannan, 16,3% – Qytaıdan, 15,9% – Reseıden, 8,4% – Túrikmenstannan, 4,5% – Mońǵolıadan jáne 4,9% basqa elderden kelgen.
Etnıkalyq qazaqtar negizinen Almaty, Mańǵystaý, Túrkistan jáne Jambyl oblystaryna, sondaı-aq Astana, Almaty jáne Shymkent qalalaryna qonystandy.
Eńbekke qabiletti jastaǵy etnıkalyq qonys aýdarýshylar sany 69,1%-dy, eńbekke qabiletti jastan kishi 22,7%-dy jáne zeınetkerler 8,2%-dy quraıdy.
Eńbekke qabiletti jastaǵy kandıdattardyń ishinen bilim deńgeıi boıynsha 20,1% – joǵary bilimdi, 40,9% – orta kásibı bilimdi, 35,2% – jalpy orta bilimdi jáne 3,8%-nyń bilimi joq.