Saýalnamaǵa qatysýshy jumyskerlerdiń 78%-y korporatıvke ketken aqshany syıaqy retinde bergenin qalaıdy
Qazaqstandyqtar korporatıvti mekereden góri aqshalaı syıaqy alǵandy táýir kóredi, – dep habarlady naryk.kz HeadHunter Qazaqstan kompanıasynyń saıttaǵy málimetterge jasaǵan taldaýyna súıene otyryp.
2020 jyly kóp kompanıa jańa jyldyq korporatıv jasaýdan bas tartty. Bıyl saýalnamaǵa qatysýshylardyń 46%-y korporatıv bolatynyn aıtqan. Qalǵan 54%-y ázirge belgisiz ekenin jetkizdi.
Korporatıvten bas tartqan kompanıalardyń 77%-y epıdemıologıalyq ahýalǵa baılanysty bas tartqanyn aıtsa, 19% búdjettiń joqtyǵyn alǵa tartqan.
14% kompanıa korporatıvti onlaın ótkizbek. 73%-y dástúrli túrde ótkizedi. Korporatıv ótkizetin kompanıalardyń 62%-y tolyǵymen kompanıa búdjetinen tólese, 24%-y bir bóligin kompanıa, bir bóligin jumyskerler ózderi tóleıtinin aıtty. 14%-y tolyǵymen jumyskerlerine tóletpek.
Saýalnamaǵa qatysqan jumyskerlerdiń 48%-y korporatıvten eshqashan qalmaıtynyn, 35%–y keıde baratynyn, 17%–y múlde qatyspaıtynyn aıtqan. Saýalnamaǵa qatysýshy jumyskerlerdiń 78%-y korporatıvke ketken aqshany syıaqy retinde bergenin qalaıdy.