Jeńimpaz 5 mln teńgege ıe boldy
Sáken Maıǵazıevtiń shákirti Quralaı Meırambek «Qazaqstan daýysy» jobasynyń 2021 jylǵy jeńimpazy atanyp, 5 mln teńge ıelendi, dep habarlaıdy Almaty-akshamy.kz.
qazaqstan.tv-nyń málimetinshe, úzdikterdiń úzdigi iriktelgen jobanyń sońǵy shyǵarylymynda fınalıster tikeleı efırde 2 án shyrqady.
Ár úmitker bir ándi jeke, birin tálimgerlerimen birge oryndap shyqty, ıaǵnı aqtyq synda tálimgerler de bir-birimen básekege tústi. Al jobanyń jeńimpazy kórermenniń daýysy arqyly anyqtaldy.
SMS-daýys berý nátıjesi boıynsha:
1-oryn – Quralaı Meırambek
2-oryn – Erik Tólenov
3-oryn – Ernar Amandyq
4-oryn – Arýjan Aıdarbek ıelendi.
Sáken Maıǵazıevtiń shákirti «Qazaqstan daýysy» jobasynyń 2021 jylǵy jeńimpazy atanyp, 5 mln teńge ıelendi. Sonymen birge «Qazaqstan» teleradıokorporasıasy Quralaıdyń ónerine ári qaraı qoldaý bildiredi. Osylaısha jarty jylǵa jýyq kórermenin qýantqan baǵdarlama óz máresine jetti.
«Qazaqstan daýysy» – álemniń 140 elinde kórsetilgen áıgili «The Voice» teleshoýynyń qazaqstandyq nusqasy. Mýzykalyq baǵdarlama kórermenge jarty jyl boıy usynylyp, reıtıń boıynsha kósh bastap keldi. Jobaǵa uzyn-sany 6 myńnan asa adam qatysty. Onyń ishinde ózge memleketten arnaıy kelgen talanttar da boldy.
Jalpy, «Kórmeı tańdaý» kezeńine 100 shaqty úmitker ótti. Odan soń qatysýshylar «Jekpe-jek», «Jarǵa jyǵý», tikeleı efırdegi kezeńderinde baq synap, fınalǵa 4 tálimgerdiń 4 úzdik shákirti joldama aldy.