Sybaılas jemqorlyqqa qarsy is-qımyl týraly 2021 jylǵy Ulttyq baıandama jarıalandy.
QR Sybaılas jemqorlyqqa qarsy is-qımyl agenttiginiń málimetinshe, qujattyń maqsaty – qoǵamdy 2021 jyly Qazaqstannyń sybaılas jemqorlyqqa qarsy saıasatyn iske asyrý nátıjeleri týraly habardar etý.
Onda sybaılas jemqorlyqqa qarsy is-qımyl jónindegi ýákiletti organnyń, sondaı-aq basqa da memlekettik organdardyń, kvazımemlekettik sektor sýbektileri men jurtshylyqtyń osy baǵyttaǵy jumysy baıandaldy, dep habarlaıdy Almaty-akshamy.kz
Sybaılas jemqorlyqqa qarsy aǵartý, sybaılas jemqorlyqtyń aldyn alý, qoǵammen áriptestik, jaýapkershiliktiń bultartpastyǵy boıynsha qabyldanǵan zańnamalyq jáne praktıkalyq sharalar, sondaı-aq BUU Sybaılas jemqorlyqqa qarsy Konvensıasynyń erejelerin, Eýropa GREKO Keńesiniń basshylyq qaǵıdattaryn jáne EYDU usynymdaryn eskere otyryp, sybaılas jemqorlyqqa qarsy saıasatty odan ári jetildirý jónindegi usynystar usynyldy.
Budan bólek, Qazaqstannyń sybaılas jemqorlyqqa qarsy saıasat máselelerinde halyqaralyq yntymaqtastyq boıynsha kúsh-jigeri, elde jáne álemde sybaılas jemqorlyqty qabyldaý deńgeıin táýelsiz baǵalaý qorytyndylary kórinis tapty.
«Ulttyq baıandamada Prezıdenttiń 2022 jylǵy 2 aqpandaǵy Jarlyǵymen bekitilgen Qazaqstan Respýblıkasynda 2022-2026 jyldarǵa arnalǵan sybaılas jemqorlyqqa qarsy saıasat tujyrymdamasyna jáne ony iske asyrý jónindegi is-qımyl josparyna nazar aýdaryldy.
Qujat memlekettik qyzmetkerlerge, sarapshylarǵa, reıtıńtik agenttikterge, qoǵam qaıratkerlerine, ǵalymdarǵa jáne basqa da múddeli tulǵalarǵa qyzyqty ári paıdaly bolady», - delingen agenttik habarlamasynda.