Qazaqstan halqy Assambleıasymen qoıan-qoltyq jumys jasap júrgen medıatorlar qaýymdastyǵy úshin Joldaýdyń mańyzy zor.
Prezıdentimiz óziniń Joldaýynda kóp jaǵdaıda daýly máselelerdi sheshýge múmkindik beretin halyqpen tıimdi keri baılanys ornatý, qoǵamdyq dıalog, ashyqtyq, adamdardyń muń-muqtajyna jedel nazar aýdarý memlekettik organdar qyzmetiniń negizgi basymdyqtary bolýy qajet ekendigine nazar aýdardy.
Sonymen qatar, Qazaqstan halqy Assambleıasynyń basty baǵyttarynyń biri bolyp sanalatyn qoǵamdyq kelisimdi nyǵaıtý máselesi de Joldaýdyń nazarynan tys qalmady.
Osy oraıda, búkil qoǵamnyń birlesken eńbeginiń nátıjesine aınalǵan ultaralyq kelisimdi, alýan túrliligimen erekshelenetin ǵasyrlar boıy qalyptasqan birligimizdi ny- ǵaıtý máselesiniń, ultaralyq qatynas tiline aınalýǵa tıisti memlekettik tilimizdiń róliniń Joldaý negizderiniń biri bolýynyń maǵynasy zor dep oılaımyn.
Sot sheshimderiniń sapasyn arttyrý máselesinde atqarylýǵa tıisti mańyzdy sharalarǵa basymdyq berip, sottarda sheshiletin daýlardy sheshýdiń balama tásilderin qoldanýǵa mán berýi elimizdiń medıatorlar qaýymdastyǵynyń ortasynda tyń serpiliske, zor qoldaýǵa ıe boldy dep oılaımyn. Qoldanysqa engenine 10 jyldaı ýaqyt bolǵandyǵyna qaramastan, memlekettik organdardyń ókilderi tarapynan tıisti kóńil bólinbeı kele jatqan osy túıindi másele endi sheshimin tabatynyna kúmán joq.
Quqyq qorǵaý júıesin tolyq reformalaýmen qatar, qoǵam ıgiligine jumys jasap júrgen qaıratkerlerdiń nazarynan tys qalmaıtyn otbasy jáne bala quqyǵyn qorǵaý, turmystyq zorlyq-zombylyqqa qarsy is-qımyl máselesi, jasóspirimder arasynda kóbeıip ketken sýısıd máselesimen maqsatty túrde aınalysý jaıyndaǵy basym baǵyttar kez kelgen ata-ananyń kóńilinen shyqty dep oılaımyn.
Joldaýda azamattardyń, ásirese, jastardyń, stýdentter men oqýshylardyń volonterlik qyzmetke qatysý aıasyn keńeıtý, olardyń boıynda belsendi ómirlik ustanymdarǵa qatysty daǵdy qalyptastyrý jaıyndaǵy bóligi de el ishinde ıgi ister jasaýmen qanaǵat taýyp júrgen eriktilerdiń shabytyn arttyrary sózsiz.
Sondaı-aq, Prezıdentimizdiń Úkimetke elimizdiń zeınetaqy júıesin damytý máselesin qamtı otyryp, jumys isteıtin azamattar ózderiniń zeınetaqy jınaǵynyń bir bóligin belgili bir maqsatqa, sonyń ishinde baspana satyp alýǵa nemese bilim alý úshin paıdalaný máselesin jyl sońyna deıin pysyqtaý týraly tapsyrma berýi kóńil quptarlyq.
Memleket basshysy Joldaýynyń oryndalýyna qatysty júregi elim dep soqqan ár azamatqa zor senim arta otyryp, tatýlyq pen turaqtylyqty negizge alyp, aınymas qaǵıda- myzǵa aınalǵan asyl qasıetterimizden aınymaı, ortaq shańyraǵymyz – Qazaqstandy órkendetýge úles qosýǵa shaqyrdy jáne tıisti qoldaý tabatyny haq. Bul Joldaý mereıli mekenimiz – Qazaq stan memleketin bıik belesterge jeteleıdi dep senemin.