Jarystyń besinshi kúni rıngke qazaqstandyq boksshy qyzdar shyǵady.
Jastar arasynda álem chempıonatynyń kúmis júldegeri Jazıra Oraqbaeva 52 kelige deıingi salmaqta ońtústikkoreıalyq Kım Chae Vonmen judyryqtasady.
Azıa oıyndarynyń kúmis, álem chempıonatynyń qola júldegeri Jaına Shekerbekovanyń (54 kg) qarsylasy – japonıalyq Hana Narıta.
Álem chempıonatynyń qola júldegeri Karına Ibragımova 57 kelige deıingi salmaqta taǵy bir ońtústikkoreıalyq Im Ae Djıden ótýge tyrysyp kóredi.
Qazaqstan chempıony Aıda Ábikeeva 63 kelige deıingi salmaqta japonıalyq Maı Kıtomen qolǵap túıistiredi.
Azıa chempıony, Rıo olımpıadasynyń qola júldegeri Darıǵa Shákimova 70 kelige deıingi salmaqta úndistandyq Poodjamen shyǵady.
Álem jáne Azıa chempıony Valentına Halzovanyń da (75 kg) qarsylasy – úndistandyq Lovlına Borgohaın.
Kúndizgi sesıa Astana ýaqytymen saǵat 16.00-de, keshki sesıa 21.00-de bastalady.
Osy chempıonatta qazaqstandyq úsh boksshy Mádına Nurshaeva (66 kg), Gúlsaıa Erjan (81 kg) jáne Lázzat Kúngeıbaeva (+81 kg) dodany jartylaı fınaldan bastaıdy. Olardyń qorjynynda keminde qola júlde bar.
Sýret: Sportx.kz