Júrekke jylý uıalatqan sýret
Jaýynger men kishkentaı balanyń sýreti ınternette áleýmettik jeli paraqshalarynda statýstarǵa jıi qoıylyp, tez tarap ketti. Júrekke eriksiz jylylyq syılaıtyn bul sýretti qoǵam jaqsy qabyldady. Beıbit jaýyngerdiń beınesi.
Bir qaraǵanda qolmen salynǵan sıaqty sýret kóringenmen, bul - shynaıy kórinis. Sýrettegi sarbaz – Ulttyq ulannyń jaýyngeri eken. Qazaqstan Respýblıkasy Ulttyq ulany «Ońtústik» óńirlik qolbasshylyǵyna qarasty 6698 áskerı bóliminde qyzmet etetin efreıtor Shahrýh Hasanov qańtardyń 4-i kúni dabyl belgisimen qyzmetke kelgenin aıtady. Olar Shymkent qalalyq ákimdiktiń mańyna qoǵamdyq tártip pen qaýipsizdikti qamtamasyz etý qyzmetine shyqqan. Bul týraly Qazaqstan Respýblıkasy Ulttyq ulany «Ońtústik» óńirlik qolbasshylyǵynyń baspasóz qyzmeti habarlady.
Áıgili sýret 7 qańtarda túsirilgen eken. Ákimdik aldyndaǵy alańda qyzmet atqaryp turǵan jaýyngerge bir kishkentaı balaqaı júgirip kelip, sálem beripti. Jaýynger de balanyń qolyn qaıtarmaı, sálemin alyp, basynan sıpap, ákesine qaraı jibergen. Ákesiniń aıtýy boıynsha neshe kún úıde qamalyp otyrǵan bala ábden zerigip, dalaǵa serýenge shyqqanyna qatty qýanǵan. Al osy sátti sol mańaıda túsirilim jasap júrgen «OTYRAR TV» jýrnalıseri túsirip alǵan.
Efreıtor Shahrýh Hasanovtyń Ulttyq ulanda qyzmet etip jatqanyna 10 jyl bolypty. Úılengen, eki uly bar. Uldary da áke jolyn qýyp, áskerı bolamyz deıdi.
