«Super Bol!» áleýmettik-fýtbol jobasynyń oıynshylary 7 tamyz kúni Almatynyń Ortalyq stadıonynda Qazaqstannyń 2006-2008 jyldardaǵy quramyna qarsy oıynǵa shyǵady.
Machtyń arnaıy qonaqtary retinde nıderlandyq maman Arno Paıpers, sonymen qatar madrıdtik «Real» men mılandyq «Interdiń» eks-oıynshysy Esteban Kambásso keledi, dep habarlaıdy Almaty-akshamy.kz.
Qazir «Super Bol!» Talǵardaǵy ulttyq qurama bazasynda daıyndyqtan ótýde. Apta saıyn olar baqylaý machtaryn oınaıdy, biraq olar úshin naǵyz emtıhan alańdaǵy balalyq shaqta ózderi eliktegen Qazaqstan quramasyndaǵy ańyzǵa aınalǵan oıynshylar bolady.
Qazaqstannyń ańyzdar quramasynda alańǵa Samat Smaqov, Davıd Lorıa, Nurbol Jumasqalıev, Andreı Karpovıch, aǵaıyndy Azovskııler, Farhadbek Irısmetov, Dmıtrıı Bákov, Aleksandr Kýchma, Maksım Jalmagambetov, Qaırat Áshirbekov, Danıar Muqanov, Sergeı Boıchenko, Iýrıı Novıkov, Igor Soloshenko, Rýslan Baltıev, Edýard Sergıenko, jáne de ulttyq quramanyń 2006-2008 jylǵy shaqyrylymdaǵy basqa da oıynshylar shyǵady.
Jattyqtyrýshylar oryndyǵynda ardagerlerdiń oıynyna Arno Paıpers basshylyq jasaıdy. Qazaqstan quramasynyń juldyzdary úshin madrıdtik «Real» men mılandyq «Interdiń» eks-oıynshysy Esteban Kambásso oınaıtyn bolady.
Machty tek ońtústik astananyń basty fýtbol arenasyna kelgen jankúıerler ǵana emes, sonymen qatar kórermender de tamashalaı alady. Fýtbol machy Qazsport telearnasynda tikeleı efırde kórsetiledi.
Machtyń taǵy bir ereksheligi - onyń áleýmettiliginde. Bıletterden túsken qarjy qaıyrylymdylyqqa jumsalady.
Sonymen, 7 tamyz. Almatynyń Ortalyq stadıony. 20:00. Bıletter ticketon.kz saıtynda satylady.
BAQ ókilderin akredıtteý boıynsha ótinish - aidynkozhakhmet@gmail.com saıtynda qabyldanady.
«Super Bol!» jobasynyń seriktesteri
Freedom Broker – 12 elde qyzmet jasaıtyn halyqaralyq deńgeıli júıe qurýshy ınvestısıalyq kompanıa. Kompanıanyń qyzmetteri Qazaqstan, AQSH, Germanıa, Ulybrıtanıa, Ýkraına, Qyrǵyzstan, Ózbekstan, Ázirbaıjan, Kıpr, Fransıa men Ispanıada usynylǵan.
Kompanıa Freedom Holding Corp halyqaralyq ınvestısıalyq toptyń múshesi. Toptyń jeke kapıtaly $508 000 000-dan asady.
DARA – QR Prezıdenti janyndaǵy daryndylardy qoldaý qory. Qordyń maqsaty - búkil Qazaqstannan daryndardy taýyp, olardyń álemdik deńgeıde óner kórsetýine múmkindik berý.