Aıtýly sharaǵa daıyndyq jumystary bastalyp ketti.
Qazaqstanda jyldyń basty halyqaralyq sharalarynyń birine daıyndyq qyza tústi, dep habarlaıdy Almaty-akshamy.kz. Qazaqtv.com saıtyna silteme jasap.
Elordada qyrkúıek aıynyń ortasynda el Prezıdentiniń tóraǵalyǵymen Álemdik jáne dástúrli dinder kóshbasshylarynyń jetinshi sezi ótedi dep josparlanǵan. Jıynǵa 60 elden 130-ǵa tarta halyqaralyq delegasıa qatysady dep kútilýde.
Qadirmendi qonaqtardyń biri - Rım Papasy Fransısk bolmaq. «Pandemıadan keıingi kezeńdegi adamzattyń áleýmettik-rýhanı damýyndaǵy álemdik jáne dástúrli konfesıalar kóshbasshylarynyń róli». Bul kezekti bas qosýdyń bekitilgen aıdary. Jalpy bıylǵy kezdesý 4 seksıalyq otyrys túrinde ótedi. Qatysýshylar birqatar ózekti máseleniń basyn qaıyrmaq.
Atap aıtsaq, bilim berý men dinı aǵartý isi, rýhanı jáne moraldyq qundylyqtardy nyǵaıtý, áıeldiń róli men áleýmettik mártebesin kóterý jáne ekstremızm men terorızmge qarsy kúrestiń tıimdi amaldary talqyǵa túsedi.