Suıytylǵan gazdyń quny ótken jyldyń sońyndaǵy baǵa deńgeıinen aspaýy tıis. Iaǵnı kógildir otynnyń quny 180 kún boıy retteledi, dep habarlaıdy almaty-akshamy.kz «Habar 24»-ke silteme jasap.
Al suıytylǵan gazdy elektrondy saýda alańdary men bırjalar arqyly ótkizýge tolyq kóshý bir jylǵa shegeriledi. Bas prokýratýra men Básekelestikti qorǵaý agenttigi baǵalyq sóz baılasý men ózge de básekelestikke qarsy is-áreketterge qatysty tergeý júrgizip, 20 kún ishinde esep berýge tıis. Memleket basshysy Qasym-Jomart Toqaev búgin eldegi áleýmettik-ekonomıkalyq jaǵdaıǵa qatysty keńeste osyndaı tapsyrma berdi.
Prezıdent eldiń saıası, áleýmettik jáne ekonomıkalyq qurylysy ózgermeıtinin aıtty. Iaǵnı ýnıtarlyq, zań ústemdigi, jeke menshik quqyǵyn qurmetteý jáne naryqtyq ekonomıka memlekettik saıasatymyzdyń basty qaǵıdattary bolyp qala beredi.