Elimizdiń birqatar aımaqtarynda zańsyz aksıalar ótti dep habarlaıdy almaty-akshamy.kz t QR İİM silteme jasap.
Jergilikti atqarýshy organdar men prokýratýranyń eskertýlerine qaramastan azamattar arandatýshylyq shaqyrýlarǵa erip, turaqtylyqqa jáne halyqtyń qaýipsizdigine qaýip tóndiretin zańsyz áreketter jasaı bastady.
Sonymen qatar, azamattardyń jekelegen toptary joldardy jaýyp, qoǵamdyq tártipti, azamattardyń tynyshtyǵyn jáne eldi mekenderdiń tirshiligin qamtamasyz etý júıesin buzyp, kólik qozǵalysyna tosqaýyl qoıdy. Buǵan qosa quqyq qorǵaý jáne quqyqtyq tártip pen qaýipsizdikti qamtamasyz etetin basqa da organdardyń qyzmetkerlerine shabýyl jasaldy.
Almaty, Shymkent jáne Taraz qalalarynda ákimdikterge shabýyl jasap, áınekteri men esikterin syndyrdy, basqa da materıaldyq zalal keltirildi. Tastardy, taıaqtardy, gaz, burysh balondaryn jáne janǵysh qospasy bar bótelkelerdi paıdalaný jaǵdaılary oryn aldy.
Qoǵamdyq qaýipsizdikti qamtamasyz etý maqsatynda polısıa qoǵamdyq tártipti buzýdyń jolyn kesý jáne tártip buzýshylardy ustaý boıynsha zańda kózdelgen sharalardy qabyldady.
Zańsyz áreketterdiń saldarynan ishki ister organdarynyń 95 qyzmetkerine dene jaraqattary keltirilgen. 37 qyzmettik avtokólik búlingen. Bılik ókilderine qarsy kú qoldaný, buzaqylyq, memlekettik organdardyń ǵımarattaryna shabýyl jasaýdyń 13 faktisi boıynsha sotqa deıingi tergeý bastaldy.
Qoǵamdyq tártipti buzǵany úshin 200-den astam adam ustaldy. İshki ister organdary halyqtyń qaýipsizdigi men tynyshtyǵyn qamtamasyz etý jóninde barlyq qajetti sharalardy qabyldaýda.