Tótenshe jaǵdaılar mınıstri Aqtóbeniń sý basqan aýdanyna attandy.
Qazaqstan TJM basshysy Iýrıı Ilın jaǵdaıdy baǵalaý, Aqtóbe oblysynyń eldi mekenderindegi sý tasqynynyń saldaryn joıý jumysyn baqylaý jáne úılestirý úshin Aqtóbe oblysyna attandy, dep habarlaıdy Almaty-akshamy.kz TJM telegram kanalyna silteme jasap.
Temperatýranyń kúrt joǵarylaýy jáne qardyń qarqyndy erýi saldarynan Qobda jáne Oıyl aýdandarynyń eldi mekenderin sý basqan edi. Qutqarýshylar men jergilikti atqarýshy organdardyń kúshimen aldyn ala 400-den astam adam evakýasıalandy.
Qazirgi ýaqytta buryn evakýasıalanǵan 140 adam úıine oraldy, 70-ten astam adam ýaqytsha evakýasıalaý pýnktinde, 240-tan astam adam týystarynyń úıinde.
4 000-nan astam aýyl sharýashylyǵy janýarlary qaýipsiz jerge aıdaldy.
Oblystyń atalǵan aýdandarynda júrgizilip jatqan avarıalyq-qutqarý jáne shuǵyl jumystarǵa, sý tasqyny saldaryn joıýǵa TJM qutqarý bólimsheleriniń, jergilikti atqarýshy organdar, İİM jáne oblystyń basqa da múddeli qurylymdar jeke quramynan 900-ge jýyq adam, 650 tehnıka, sonyń ishinde sý sorý quraldary jumyldyryldy.